14:59 21 кастрычніка 2018
«Радыё Sputnik»
  • USD2.11
  • EUR2.42
  • 100 RUB3.21
Спікер Савета Федэрацыі РФ Валянціна Мацвіенка

Мацвіенка: час мемарандумаў прайшоў

© Sputnik / Михаил Климентьев
Эканоміка
Атрымаць кароткую спасылку
810

Губернатары павінны надаваць прыярытэтную ўвагу развіццю супрацоўніцтва паміж рэгіёнамі Беларусі і Расіі.

МАГІЛЁЎ, 12 кас - Sputnik. Толькі новыя формы работы паміж рэгіёнамі атрымаюць падзяку, адзначыла на пасяджэнні Cавета дзелавога супрацоўніцтва спікер Савета Федэрацыі Валянціна Мацвіенка.

Канкрэтны змест

Паводле яе слоў, пяты форум рэгіёнаў стаў самым прадстаўнічым у добрым сэнсе гэтага слова і гэта не звязана з тым, што гэта міні юбілей. Форум за гэтыя гады даказаў сваю эфектыўнасць.

"Трэба аб'ядноўваць намаганні і працаваць рука аб руку. Важна, каб пагадненні, якія будуць падпісаны, былі напоўнены канкрэтным зместам. Час мемарандумаў дзеля мемарандумаў і дагавораў дзеля дагавораў прайшоў", - звярнула ўвагу Мацвіенка.

Пасля гэтага спікер дадала, што за гэта ніхто не пахваліць. А вось пошук новых форм супрацоўніцтва заслугоўвае хвалы, таму што гэта рэальны ўклад у развіццё Саюзнай дзяржавы.

Асабісты прыклад

Яна таксама звярнулася да губернатараў з просьбай аб тым, каб пытанні беларуска-расійскага супрацоўніцтва знаходзіліся ў іх у прыярытэце.

"Прыклад нам паказваюць лідары дзяржаў. Увага да Форуму рэгіёнаў з боку кіраўнікоў дзяржаў апрыёры ставіць задачу таксама ставіцца да ўмацавання нашага супрацоўніцтва", - падкрэсліла кіраўнік Савета Федэрацыі.

Валянціна Мацвіенка звярнулася з просьбай да беларускага боку надаць увагу развіццю супрацоўніцтва з Крымам і Севастопалем.

"Пабудаваны Крымскі мост і ў нас цяпер прамыя зносіны. Прадукты харчавання і іншыя тавары будуць там запатрабаваныя", - лічыць спікер.

У пацверджанне слоў Валянціны Мацвіенка, адбылося падпісанне прагнознага балансу паставак малака і мяса. Подпісы пад дакументам на Савеце дзелавога супрацоўніцтва паставілі міністр сельскай гаспадаркі Беларусі Леанід Заяц і намеснік міністра сельскай гаспадаркі Расіі Іван Лебедзеў.

"Упершыню да канца года падпісаны харчовы баланс і ўсё ўзгоднена. Я ўпэўнена, што не будзе ніякіх накладак з забаронами і адмовамі, таму што адпрацавана рэалізацыя пагаднення", - рэзюмавала Мацвіенка.

Тэги:
Магілёў, Валянціна Мацвіенка, Форум рэгіёнаў Беларусі і Расіі
Правілы карыстанняКаментары

Галоўныя тэмы