Беларусь абмяркуе з МВФ магчымасць новага крэдыту

© Sputnik / Виктор ТолочкоОфіс МВФ у Мінску
Офіс МВФ у Мінску - Sputnik Беларусь
Падпісацца
Беларусь і МВФ прыпынілі перамовы па крэдыце ў сярэдзіне 2017 года - рэспубліка не была гатовая пайсці на патрабаваныя фондам меры, у прыватнасці, на рэзкае павышэнне тарыфаў на жыллёва-камунальныя паслугі.

МІНСК, 10 кас - Sputnik. Беларусь плануе абмеркаваць на наступным тыдні з Міжнародным валютным фондам (МВФ) магчымасць новай праграмы, заявіў у чацвер журналістам міністр фінансаў рэспублікі Максім Ермаловіч.

Дзеці ў школе - Sputnik Беларусь
Беларусь прыцягне яшчэ адзін крэдыт на мадэрнізацыю сістэмы адукацыі

Беларусь вяла некалькі гадоў таму перамовы з МВФ аб прадастаўленні крэдыту на тры мільярды долараў тэрмінам на дзесяць гадоў, аднак у сярэдзіне 2017-га перамовы былі прыпыненыя: Менск быў не гатовы праводзіць структурныя рэформы і цалкам адмаўляцца ад субсідзіравання камунальных паслуг для насельніцтва.

Як заявіў у чацвер у парламенце Ермаловіч, на наступным тыдні Мінск плануе абмеркаваць з Міжнародным валютным фондам магчымасць новай праграмы.

"Мы плануем падчас наступнага штогадовага пасяджэння кіраўнікоў МВФ і Сусветнага банка абмеркаваць вынікі рэалізацыі мер плана ўрада па стабілізацыі макраэканамічнай сітуацыі і магчымасці для пачатку праграмы з МВФ", - сказаў Ермаловіч.

Праграму плануецца рэалізоўваць з мэтай падтрымкі структурных зменаў у эканоміцы.

Сярод асноўных змяненняў, якіх ад Беларусі чакаюць і МВФ, і Сусветны банк - як падвышэнне тарыфаў на паслугі ЖКГ да сабекошту, так і спыненне падтрымкі стратных дзяржаўных прадпрыемстваў.

Беларусь сёння завяршае падрыхтоўку дарожных карт структурных змяненняў у эканоміцы, распрацаваную сумесна са Сусветны банкам.

Як раней паведамляў Sputnik, на 2020 год рэспубліканскі бюджэт упершыню за некалькі гадоў плануецца дэфіцытным - ён склаў каля мільярда рублёў. Акрамя таго, у наступным годзе рэспубліцы трэба будзе выплаціць буйныя сумы па знешніх пазыках - каля 3,5 мільярдаў долараў. Памер выплат будзе расці да 2023, пасля чаго яны пачнуць зніжацца.

Стужка навiн
0