МІНСК, 3 ліс - Sputnik. Першы энергаблок БелАЭС уключаны ў аб'яднаную энергасістэму Беларусі, паведаміла прэс-служба міністэрства энергетыкі.
"У 12:03 турбагенератар першага энергаблока Беларускай АЭС уключаны ў аб'яднаную энергасістэму краіны", - гаворыцца ў Telegram-канале Мінэнерга.
Раней стала вядома, што на Беларускай атамнай станцыі быў ажыццёўлены пробны пуск турбіны першага энергаблока. Гэта адна з самых важных аперацый на этапе падрыхтоўкі блока да пачатку выпрацоўкі электраэнергіі.
Па словах дырэктара праекта па ўзвядзенню Беларускай АЭС Віталя Паляніна, турбаагрэгат выведзены на намінальныя абароты.
"Усе паказчыкі, уключаючы вібрацыйны стан, у норме, што дазваляе нам прыступіць да праграмы выпрабаванняў турбіны (на халастой хадзе) і генератара перад уключэннем у сетку", - удакладніў ён.
У лістападзе пачнецца энергетычны пуск першага блока, то бок вытворчасць першых кілават-гадзін з выдачай іх у энергасістэму краіны. Увод энергаблока ў эксплуатацыю плануецца ў першым квартале 2021 года.
Беларуская АЭС - найбуйнейшы расійска-беларускі эканамічны праект, генпадрадчыкам яе будаўніцтва з'яўляецца "Атамбудэкспарт" (уваходзіць у "Расатам"). Станцыя з двума рэактарамі ВВЭР-1200 сумарнай устаноўленай электрычнай магутнасцю 2400 МВт будуецца ў Астраўцы (Гродзенская вобласць). Для першай у краіне АЭС выбраны перадавой расійскі праект пакалення 3+, які цалкам адпавядае міжнародным нормам і рэкамендацыям МАГАТЭ па бяспецы. Увод у прамысловую эксплуатацыю энергаблока №2 запланаваны на 2022 год.
Чытайце таксама:
- Мінэнерга Беларусі назвала прэтэнзіі Літвы да БелАЭС галаслоўнымі
- Зразумелы рычаг ціску: эксперт аб "прыярытэце" БелАЭС для Еўрасаюза
- Літва супраць пуску БелАЭС: Беларусі ўручылі ноту пратэста
