МІНСК, 1 сне - Sputnik. Прэзідэнт Беларусі Аляксандр Лукашэнка зацвердзіў тэрміны ўводу ў эксплуатацыю двух энергаблокаў Беларускай атамнай электрастанцыі.
Адпаведны ўказ №447 кіраўнік дзяржавы падпісаў напярэдадні, паведамляе нацыянальны прававы інтэрнэт-партал рэспублікі.
У дакуменце значыцца, што першы энергаблок БелАЭС будзе ўведзены ў эксплуатацыю ў 2021 годзе, другі - у першым паўгоддзі 2022 года. Працэдура будзе праводзіцца згодна з зацверджанай праграмай РУП "Беларуская атамная электрастанцыя". Ураду даручана вызначыць парадак прыёмкі ў эксплуатацыю пускавых комплексаў энергаблокаў і пералік дзяржорганаў і іншых арганізацый, якія выдаюць заключэнні пры прыёмцы гэтых пускавых комплексаў у эксплуатацыю.
Беларуская АЭС - першая атамная электрастанцыя на тэрыторыі рэспублікі. Яна ўключае ў сябе два энергаблокі пад назвай "Беларусь 1" і "Беларусь 2".
Першы энергаблок уключаны ў агульную энергасістэму краіны 3 лістапада. Пазней прайшла афіцыйная цырымонія з удзелам Аляксандра Лукашэнкі.
Турбіна першага блока Астравецкай АЭС спынілася 8 лістапада - на пяты дзень пасля яго ўключэння ў энергасістэму Беларусі. Як запэўніў кіраўнік будаўніцтва АЭС Віталь Палянін, гэта не паўплывала на бяспеку атамнай станцыі і графік работ. Пасля таго, была праведзена замена трансфарматараў напружання і выпрабавана цеплаэнергетычнае абсталяванне, першы энергаблок уключылі ў сетку.
Зараз рэактар працуе на 40% магутнасці, як і да яго прыпынення. Пакуль на АЭС працягваюцца выпрабаванні абсталявання энергаблока, а ў доследна-прамысловую эксплуатацыю яго збіраюцца ўвесці ў наступным месяцы.
Асноўны партнёр Беларусі ў праекце па будаўніцтве станцыі - расійская кампанія "Атамбудэкспарт".
Чытайце таксама:
