06:49 11 мая 2021
«Радыё Sputnik»
  • USD2.54
  • EUR3.06
  • 100 RUB3.42
Эканоміка
Атрымаць кароткую спасылку
10 0 0

Беларускі ўрад зацвердзіў сярэднетэрміновую фінансавую праграму рэспубліканскага бюджэту, дзе прапісаны ключавыя пытанні развіцця эканомікі, адразу на тры гады.

МІНСК, 22 кра – Sputnik. Савет міністраў зацвердзіў сярэднетэрміновую праграму развіцця рэспубліканскага бюджэту на 2021-2023 гады, гаворыцца ў пастанове на Нацыянальным прававым партале.

Урад вызначыў наступныя параметры рэалізацыі праграмы:

  • забеспячэнне збалансаванасці рэспубліканскага і мясцовых бюджэтаў у межах наяўных даходаў і крыніц фінансавання дэфіцыту бюджэту,
  • своечасовае і ў поўным аб'ёме ажыццяўленне плацяжоў па дзяржаўнаму доўгу,
  • умацаванне самастойнасці мясцовых бюджэтаў і павышэнне падатковай аўтаноміі рэгіёнаў,
  • падатковая нагрузка на эканоміку на ўзроўні, які не перавышае 26% ад ВУП.

Беларускія ўлады пры гэтым збіраюцца захаваць сацыяльную арыентаванасць бюджэтных расходаў, мінімізаваць фіскальныя рызыкі і пашырыць сферу прымянення нарматыўных метадаў бюджэтнага планавання.

Планы ў лічбах

Урад Беларусі вызначыў аптымістычныя планы, паводле якіх ВУП рэспублікі ў 2021 годзе складзе - 158 481,6 мільёна рублёў (рост 1,8%), у 2022 годзе - 172 536,0 мільёна рублёў (рост 2,9%), у 2023 - 188 584,3 мільёна рублёў (рост 3,8%).

У праграме закладзена паступовае зніжэнне інфляцыі на наступныя тры гады ў такім парадку: у 2021 годзе паказчык будзе раўняцца 5,5%, у 2022 годзе - 4,8%, у 2023 годзе - 4,5%.

Стаўка рэфінансавання па логіцы улад у сярэднім у год таксама будзе зніжацца (цяпер 8,5%). У 2021 годзе ключавой паказчык у фінансавай сістэме ў сярэднім будзе ў параметрах - 7,75%-8%, у 2022 годзе - 7,4%-8%, у 2023 годзе - 6,9%-7,6%.

Курс рубля ва ўрадзе таксама збіраюцца, калі не павярнуць назад, як хацелася б, то ўжо сапраўды утаймаваць яго падзенне (у 2020 годзе рубель патаннеў да долара больш чым на 20%). У бягучым годзе долар па логіцы ўлад у сярэднім будзе каштаваць 2,5678 рубля, у 2022 годзе - 2,6346 рубля, у 2023 годзе - 2,6978 рубля.

Бюджэтны дэфіцыт пачаў турбаваць улады рэспублікі. Цяпер яго плануюць паступальна зніжаць. У гэтым годзе выдаткі казны перавысяць даходы на 4 046 945 167 мільёна рублёў, у наступным - на 2 543 417 353 мільёна рублёў, а ў 2023 годзе - на 1 810 121 430. Такім чынам дэфіцыт за наступныя тры гады плануецца скараціць у два з невялікім разы.

Чытайце таксама:

Тэги:
Эканоміка, бюджэт, праграма, Урад, Інфляцыя, ВУП, улада

Галоўныя тэмы