МАРГ узяў пад асаблівы кантроль цэны на пітную ваду ў крамах

МІНСК, 22 кра – Sputnik. Цэны на пітную ваду будуць на асаблівым кантролі, заявілі ў Міністэрстве антыманапольнага рэгулявання і гандлю Беларусі.

"Улічваючы сітуацыю з пітной вадой, якая скалалася ў некаторых раёнах горада Мiнска, МАРГ трымае пытанне на асаблівым кантролі", - растлумачылі ў ведамстве.

Па словах прадстаўнікоў ведамства, пітная вада ўключана ў пералік сацыяльна значных тавараў. У сувязі з гэтым міністэрства рэкамендуе прытрымлівацца ўзроўню гандлёвых надбавак на яе ў памеры не больш за 30%.

У МАРГ таксама нагадалі спажыўцам, што паведаміць аб істотным росце коштаў можна праз анлайн-форму на сайце ведамства.

Водны калапс у Чыжоўцы

Па дадзеных Мінгарвыканкама, водазабеспячэнне ў сталічных раёнах было парушана позна увечары 21 красавіка: пашкоджаны трубаправод дыяметрам 1000 міліметраў. Паводле інфармацыі МНС, на месцы пашкоджаны і падземны газаправод сярэдняга ціску (дыяметр 63 міліметры). Доступ да чыстай пітной вады за адзін раз страцілі жыхары адразу трох раёнаў - Кастрычніцкага, Ленінскага і Заводскага.

Тры аварыйныя брыгады "Мінгазу" працавалі ўсю ноч, да 10:00 чацвярга газазабеспячэнне у раёне было адноўлена. Да абеду было наладжана водазабеспячэнне, аднак эпідэміёлагі параілі пакуль не піць ваду з-пад кранаў. Міністэрства аховы здароўя паведаміла, што ўзятыя пробы не адпавядаюць неабходным параметрам, таму лепш выкарыстоўваць бутыляваную або прывазную ваду. У некалькіх частках Мінска паставілі аўтацыстэрны.

Чытайце таксама:

• Сацыяльныя стандарты абнавілі ў Мінску
• Мінск да 2025 года забяспечаць артэзіянскай вадой - Кухараў
• Мінчане патрабуюць перавесці ўвесь горад на артэзіянскія крыніцы вады