МІНСК, 28 чэр — Sputnik. Свінцовыя пломбы XII-XIV стагоддзяў знойдзены падчас археалагічных раскопак на Новым замку ў Гродне, паведамілі ў Гродзенскім дзяржаўным гісторыка-археалагічным музем.
Спецыялісты адшукалі 25 артэфактаў падчас пракладкі трасы пад камунікацыі. Такія свінцовыя пломбы прымацоўвалі да цюкоў з таварамі, якія ішлі на продаж. Адмысловыя таварныя знакі выкарыстоўваліся, каб гарантаваць захаванасць прадукцыі.
©
Photo : Гродзенскі дзяржаўны гісторыка-археалагічны музей
Спецыялісты адшукалі 25 артэфактаў падчас пракладкі трасы пад камунікацыі
Падобныя знаходкі былі зроблены падчас раскопак у Віцебску, Тураве, Брэсце і Полацку.
Спецыялісты падкрэсліваюць, што гэта ўнікальны выпадак, каб на адным месцы была знойдзена такая вялікая колькасць пломбаў.
