23:44 12 снежня 2018
«Радыё Sputnik»
  • USD2.13
  • EUR2.41
  • 100 RUB3.20
Сліва ў садзе

Слівавы ласунак у падарунак: гатуем беларускія дэсерты

© Pexels
Спадчына
Атрымаць кароткую спасылку
2410

Этнограф Ларыса Мятлеўская вучыць, як здзівіць гасцей і прыгатаваць салодкія пачастункі са сліў.

На канец верасня прыпадае народнае свята Асянины, калі людзі ладзяць кірмашы, запрашаюць адно аднаго ў госці, каб пачаставаць стравамі з новага ўраджаю. Асаблівая частка кожнага застолля — дэсерты, над якімі фантазіруе кожная руплівая гаспадынька.

Адзін з варыянтаў — здзівіць гасцей прысмакамі са слівы па старадаўніх беларускіх рэцэптах.

Слівы новага ўраджаю
© Sputnik Ларыса Мятлеўская
Слівы новага ўраджаю

Сыр са сліў

Для прыгатавання гэтага дэсерту лепей выкарыстаць цагляную печ, але самыя ўпартыя могуць скарыстаць духоўку. Слівы трэба абцерці, але не мыць, скласці ў керамічны посуд і паставіць таміцца ў негарачую печ на ноч. Калі слівы спякуцца, сок, што сцёк з іх, сцэджваюць і вараць яго без цукру і мёду, увесь час марудна перамешваючы, каб не прыстаў да дна. Калі варэнне ўжо загусцее, то зліваюць яго ў цёплы гаршчок і астуджаюць. Атрыманы сыр нельга рэзаць на кавалкі як яблычны, а трэба есці с гаршка лыжкай.

Слівы ў цесце

Інгрыдыенты:

  • 20 вялікіх сліў
  • 20 грэцкіх арэхаў або міндалю
  • 250 г алею
  • цукровая пудра з ванілінам
  • 125 г мукі
  • 0,25 л малака
  • 1 яйка

Як гатаваць:

Спачатку трэба выдаліць костачкі са сліў, акуратная разразаючы іх з боку хвосціка. На іх месца змяшчаюцца ядры грэцкага арэха ці міндалю.

З мукі, малака і яйка робіцца густое, як на бліны, цеста, у якое апускаецца кожная сліва. У глыбокую патэльню трэба наліць шмат алею і абсмажыць у ім слівы. Гарачыя слівы на талерцы можна пасыпаць зверху цукровай пудрай з ванілінам.

Слівы, сушаныя ў "кашульках"

Змайстраваць кашульку аказваецца можна не толькі ў швейнай майстэрні, а і на ўласнай кухні шляхам абсмажвання пладоў у цесце. Для  гэтай  задачы лепей браць рондаль — каструлю з доўгай ручкай альбо глыбокую патэльню, каб лягчэй было іх трэсці пры абжарцы.

Інгрыдыенты:

  • 400 г сухіх сліў
  • 300 г пшанічнай муку
  • 300 г віна
  • 2-3 ст. лыжкі масла
  • 6 курыных яек
  • жменя салодкага міндалю альбо апельсінавай скуркі
  • 120 г цукру
  • карыца для паху

Як гатаваць:

Заліць слівы кіпенем, накрыць і пакінуць, каб набрынялі. Адцадзіць, выбраць костачкі і на іх месца пакласці па палавінцы міндалю альбо па кавалачку апельсінавай скуркі. Падрумяніць сто пяцьдзесят грамаў сухой мукі ў  масле, дадаць да яе яшчэ столькі ж мукі і тры сталовыя лыжкі цукру і ўліць столькі халоднага віна, каб цеста было густым. Сумесь, якая атрымалася, трэба моцна вымешаць, дадаць пену, узбітую з 6 бялкоў, крыху цукру і асцярожна змяшаць.

Слівы трэба мачаць у гэтай масе і класці ў рондаль альбо на бляху з растопленым кіпячым маслам і смажыць да светларумянага колеру, часта патрэсваючы, каб слівы падсмажыліся аднолькава з усіх бакоў. Перад падачай можна абсыпаць цукрам з карыцай.

Гэтаксама можна смажыць свежыя непераспелыя слівы такога гатунку, ў якіх костачка добра аддзяляецца. Замест  апельсінавай скуркі можна браць цукаты. Смажыць слівы ў кашульках можна і на патэльні.

По теме

Бульба з кіслым малаком і бланманжэ: якім было меню Якуба Коласа
Гасцей пільнаваў сабака: як праходзілі застоллі ў Янкі Купалы
Піва з гарохам і ніякага цукру: што вядома пра кулінарныя звычкі Багдановіча
Прыродная сталоўка: гатуем з таго, што пад нагамі
Тэги:
Народныя традыцыі, беларуская кухня, Ларыса Мятлеўская, Беларусь

Галоўныя тэмы