https://bel.sputnik.by/20190317/Vyasnovy-avtamnoz-yak-spravtstsa-pry-dapamoze-narodnykh-srodka-1022310773.html
Вясновы авітаміноз: як справіцца пры дапамозе народных сродкаў
Вясновы авітаміноз: як справіцца пры дапамозе народных сродкаў
Sputnik Беларусь
Замест таблетак і мікстур беларусы карысталіся народнай сезоннай аптэкай: збіралі дзікарослыя расліны і гатавалі з іх смачныя стравы. Сакрэтамі продкаў... 17.03.2019, Sputnik Беларусь
2019-03-17T13:29+0300
2019-03-17T13:29+0300
2022-04-14T15:48+0300
спадчына
беларусь
ларыса мятлеўская
нацыянальныя традыцыі
прыродная сталоўка: гатуем з таго, што пад нагамі
беларуская кухня
https://cdnn11.img.sputnik.by/img/102231/55/1022315515_0:300:3200:2100_1920x0_80_0_0_737ff569df121fa618fdeb2005c9dc2f.jpg
Менавіта вясной востра адчуваецца недахоп вітамінаў. Нашы мудрыя продкі даўно заўважылі, што пакуль на градах пуста, многія агародныя расліны можна замяніць дзікарослымі, з якіх можна прыгатаваць вельмі смачныя стравы.У агародзе на вёсцы пад плотам заўсёды расце крапіва, а побач з ёй і снітка. На градах вялікая колькасць зімовай цыбулі і часнаку, можна нашчапаць шчаўя, пятрушкі і мацярдушкі, а ў склепе ў добрай гаспадыні заўсёды знойдзецца бульба, морква і буракі. З дапамогай гэтых інгрыдыентаў можна прыгатаваць смачны і карысны сняданак.Цудоўнае шчаўеШчаўё — цудоўная полівітамінная расліна. Асаблівую каштоўнасць мае ранняй вясной, калі не хапае вітамінаў. Па ўтрыманню вітаміна В1 расліна не мае сабе роўных сярод лісцявой гародніны. Дзякуючы высокаму ўтрыманню кіслот, вітаміны ў шчаўі добра захоўваюцца не толькі ў кансерваваным выглядзе, але і пры варцы. Ужываць у ежу варта толькі маладое лісце. Са шчаўя гатуюць супы, салаты, пюрэ, начынкі для пірагоў.Шчаўе "Паздзіркоўскае"Інгрыдыенты (на 4-6 порцый):Як гатаваць:Шчаўё памыць, парэзаць, зварыць у 2 літрах падсоленай вады, ахаладзіць. Дадаць дробна нарэзаныя агуркі, а калі іх няма, то цэлыя кветачкі агурочнага пустацвету, дробна пакрышанае пер'е зялёнай цыбулі. Асобна пакрышыць яйкі, кроп і пакласці іх кожнаму ў талерку разам са смятанай.Есці з хлебам або зваранай у мундзірах бульбай.Суп са шчаўяІнгрыдыенты:Як гатаваць:Рэбры або любое мяса на костачцы заліць халоднай вадой і зварыць з цыбуляй, морквай і пятрушкай. Калі вада закіпіць, зняць пену і варыць на слабым агні каля гадзіны. Затым працадзіць булён і дадаць нарэзаную кубікамі бульбу, гатаваць яшчэ 15-20 хвілін.Шчаўё, крапіву і снітку перабраць, памыць, пакрышыць і апусціць у булён, дадаць соль, уліць тонкім струменчыкам раскалочанае загадзя сырое яйцо і варыць яшчэ хвілін 6-10. У талерку пакласці смятану.Як нарыхтаваць шчаўеПаколькі шчаўе перарастае вельмі хутка і калі пойдзе ў стрэлку, то ўжо перастае быць ядомым праз шчавелевую кіслату, гаспадыні імкнуцца назапасіць яго на зіму. У 19 стагоддзі лісце шчаўя не толькі салілі, але і сушылі.Паспрабуйце зрабіць, як раіць аўтарка "Літоўскай гаспадыні". Калі ж лянота сушыць і саліць, то можна замарозіць шчаўе ў лядоўні.
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2019
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
спадчына, беларусь, ларыса мятлеўская, нацыянальныя традыцыі, прыродная сталоўка: гатуем з таго, што пад нагамі, беларуская кухня
спадчына, беларусь, ларыса мятлеўская, нацыянальныя традыцыі, прыродная сталоўка: гатуем з таго, што пад нагамі, беларуская кухня
Вясновы авітаміноз: як справіцца пры дапамозе народных сродкаў
13:29 17.03.2019 (абноўлена: 15:48 14.04.2022) Замест таблетак і мікстур беларусы карысталіся народнай сезоннай аптэкай: збіралі дзікарослыя расліны і гатавалі з іх смачныя стравы. Сакрэтамі продкаў дзеліцца этнограф Ларыса Мятлеўская.
Менавіта вясной востра адчуваецца недахоп вітамінаў. Нашы мудрыя продкі даўно заўважылі, што пакуль на градах пуста, многія агародныя расліны можна замяніць дзікарослымі, з якіх можна прыгатаваць вельмі смачныя стравы.
У агародзе на вёсцы пад плотам заўсёды расце крапіва, а побач з ёй і снітка. На градах вялікая колькасць зімовай цыбулі і часнаку, можна нашчапаць шчаўя, пятрушкі і мацярдушкі, а ў склепе ў добрай гаспадыні заўсёды знойдзецца бульба, морква і буракі. З дапамогай гэтых інгрыдыентаў можна прыгатаваць смачны і карысны сняданак.
Шчаўё — цудоўная полівітамінная расліна. Асаблівую каштоўнасць мае ранняй вясной, калі не хапае вітамінаў. Па ўтрыманню вітаміна В1 расліна не мае сабе роўных сярод лісцявой гародніны. Дзякуючы высокаму ўтрыманню кіслот, вітаміны ў шчаўі добра захоўваюцца не толькі ў кансерваваным выглядзе, але і пры варцы. Ужываць у ежу варта толькі маладое лісце. Са шчаўя гатуюць супы, салаты, пюрэ, начынкі для пірагоў.
Інгрыдыенты (на 4-6 порцый):
- 900 г шчаўя
- 2 свежых агуркі або жменька агурочнага пустацвету
- 2 яйкі
- 120 г зялёнай цыбулі
- 4 ст лыжкі смятаны
- Соль па смаку
- Кроп
Шчаўё памыць, парэзаць, зварыць у 2 літрах падсоленай вады, ахаладзіць. Дадаць дробна нарэзаныя агуркі, а калі іх няма, то цэлыя кветачкі агурочнага пустацвету, дробна пакрышанае пер'е зялёнай цыбулі. Асобна пакрышыць яйкі, кроп і пакласці іх кожнаму ў талерку разам са смятанай.
Есці з хлебам або зваранай у мундзірах бульбай.
- 400 г вэнджаных рэбраў
- 250 г шчаўя
- 150 г крапівы
- 150 г сніткі
- 2-3 бульбіны
- 1 морква
- 1 корань пятрушкі
- 1 яйка
- 4 ст лыжкі смятаны
- Соль па смаку
- 2 цыбуліны
Рэбры або любое мяса на костачцы заліць халоднай вадой і зварыць з цыбуляй, морквай і пятрушкай. Калі вада закіпіць, зняць пену і варыць на слабым агні каля гадзіны. Затым працадзіць булён і дадаць нарэзаную кубікамі бульбу, гатаваць яшчэ 15-20 хвілін.
Шчаўё, крапіву і снітку перабраць, памыць, пакрышыць і апусціць у булён, дадаць соль, уліць тонкім струменчыкам раскалочанае загадзя сырое яйцо і варыць яшчэ хвілін 6-10. У талерку пакласці смятану.
Паколькі шчаўе перарастае вельмі хутка і калі пойдзе ў стрэлку, то ўжо перастае быць ядомым праз шчавелевую кіслату, гаспадыні імкнуцца назапасіць яго на зіму. У 19 стагоддзі лісце шчаўя не толькі салілі, але і сушылі.
"Маладую зеляніну сушаць вясной у цяні, разлажыўшы на абрусах. Захоўваюць у гаршках і скрынях, засланых паперай, і абавязкова ў сухім памяшканні. Такое шчаўе будзе лепшае, больш далікатнае, чым салёнае", — раіла Ганна Цюндзявіцкая, аўтарка знакамітай "Літоўскай гаспадыні".
Паспрабуйце зрабіць, як раіць аўтарка "Літоўскай гаспадыні". Калі ж лянота сушыць і саліць, то можна замарозіць шчаўе ў лядоўні.
