Трое грамадзян Украіны затрыманыя ў Беларусі падчас пратэстаў - Зяленскі

© Sputnik / Виктор ТолочкоЗатрыманні на трэці дзень пратэстаў у Мінску
Затрыманні на трэці дзень пратэстаў у Мінску - Sputnik Беларусь
Падпісацца
Масавыя пратэсты ў сталіцы і рэгіёнах пачаліся пасля выбараў прэзідэнта і працягваюцца вось ужо чатыры дні.

МІНСК, 13 жні - Sputnik. Трое грамадзян Украіны затрыманыя падчас пратэстаў у Беларусі, пра гэта заявіў украінскі лідар Уладзімір Зяленскі ў чацвер.

Акцыя салідарнасці медыкаў каля БДМУ 12 жніўня ў Мінску - Sputnik Беларусь
Каля 700 пратэстоўцаў затрымалі па ўсёй Беларусі 12 жніўня

"Цяпер мы гаворым з МЗС, яны звязаліся з беларускім бокам. Там трое нашых украінскіх грамадзян. Зараз вядуцца перамовы, мы хочам, каб нам вярнулі нашых грамадзян на Украіну", - сказаў Зяленскі на брыфінгу ў чацвер.

Украінскі лідар параіў украінцам устрымацца ад паездак у Беларусь.

"Мы бачым, што там складаная, нестабільная, сур'ёзная сітуацыя. Я б параіў украінцам з-за тых выпадкаў, калі нашы людзі затрыманыя там, устрымацца ад паездак у Беларусь", - сказаў Зяленскі.

Ён заклікаў суайчыннікаў дачакацца моманту, калі ў рэспубліцы ўсталюецца больш-менш стабільная сітуацыя.

Дакладную колькасць затрыманых у Беларусі грамадзян Украіны вызначыць цяжка: напярэдадні ў МЗС пацвердзілі затрыманне ў Мінску двух украінскіх валанцёраў Канстанціна Рэуцкага і Яўгена Васільева.

Выбары прэзідэнта Беларусі адбыліся 9 жніўня. Па дадзеных, агучаных ЦВК, перамогу атрымаў дзеючы кіраўнік дзяржавы Аляксандр Лукашэнка - за яго прагаласавалі больш за 80% выбаршчыкаў, якія прыйшлі на ўчасткі. Пасля гэтага ў Мінску і рэгіёнах некалькі дзён працягваліся несанкцыянаваныя акцыі пратэсту нязгодных з вынікамі выбараў.

Стужка навiн
0