МІНСК, 13 жні - Sputnik. Сотні чалавек затрымалі па ўсёй Беларусі ў мінулую сераду падчас масавых акцый пратэсту, паведамілі ў прэс-службе МУС рэспублікі.
"За ўдзел у несанкцыянаваных масавых мерапрыемствах затрыманыя каля 700 чалавек", - распавялі ў ведамстве.
У МУС адзначылі, што беспарадкі па ўсёй краіне сталі не такімі масавымі, як у папярэднія дні, аднак узровень агрэсіі ў адносінах да сілавікоў не знізілася. Так, за чатыры дні пацярпелі 103 праваахоўнікі, 28 з іх шпіталізаваныя.
"Учора на розных інтэрнэт-рэсурсах размяшчаліся заклікі да блакавання дарог. У сталіцы фіксаваліся факты і спробы перакрыцця праезнай часткі праспекта Незалежнасці ў раёне ЦУМа, у мікрараёнах "Малінаўка" і "Серабранка", па вуліцы Сурганава і іншых. У сувязі з гэтым грамадскі транспарт хадзіў з перабоямі", - распавялі ў МУС.
Таксама ў Мінску і ў Баранавічах аўтамабілісты наўмысна збілі двух супрацоўнікаў ДАІ. Для прыпынку парушальнікаў сілавікі выкарыстоўвалі зброю.
"Міністэрствам унутраных спраў у межах кампетэнцыі па-ранейшаму прымаюцца неабходныя меры па ахове правапарадку і арганізацыі грамадскай бяспекі ў краіне", - падкрэслілі ў ведамстве.
Нагадаем, несанкцыянаваныя акцыі пратэсту пачаліся ў Беларусі ў дзень прэзідэнцкіх выбараў - 9 жніўня. Яны працягваюцца ў Мінску і шматлікіх гарадах рэспублікі. Як у нядзелю, так і ў наступныя два дні для разгону пратэстоўцаў міліцыя ўжывала спецтэхніку і спецсродкі, у тым ліку светлашумавыя гранаты і гумовыя кулі.
