Намеснік кіраўніка МУС Беларусі адмаўляе здзекі над затрыманымі

© Sputnik / Виктор ТолочкоНамеснік міністра ўнутраных спраў Беларусі Аляксандр Барсукоў
Намеснік міністра ўнутраных спраў Беларусі Аляксандр Барсукоў - Sputnik Беларусь
Падпісацца
Некаторыя з тых, хто выйшаў з ізалятара на Акрэсціна, распавядаюць пра факты прымянення сілы.
МІНСК, 14 жні - Sputnik. Намеснік міністра ўнутраных спраў Беларусі Аляксандр Барсукоў заявіў, што над затрыманымі на пратэстах у Мінску не здзекаваліся, паведамляюць СМІ
У ноч на пятніцу затрыманых пачалі масава выпускаць з ізалятара на вуліцы Акрэсціна.
Намеснік міністра МУС ноччу прыязджаў да ЦІП на Акрэсціна, на пытанне пра здзекі над затрыманымі ён адказаў: "Здзекаў ніякіх не было".
Масавыя пратэстныя акцыі пачаліся па ўсёй Беларусі 9 жніўня, пасля выбараў прэзідэнта, на якіх перамог дзейны кіраўнік дзяржавы Аляксандр Лукашэнка - паводле звестак ЦВК, ён набраў 80,08% галасоў.
У дачыненні да пратэстуючых праваахоўнікі ўжывалі слезацечны газ, вадамёты, светлашумавыя гранаты, гумовыя кулі. Як паведамляла МУС рэспублікі, у ходзе беспарадкаў адзін чалавек загінуў, ён спрабаваў кінуць неўстаноўленую выбуховую прыладу ў бок праваахоўнікаў. Па стане на раніцу чацвярга колькасць затрыманых дасягнула 6,7 тысячы чалавек.
У чацвер, 13 жніўня, большасць акцый па ўсёй краіне прайшла мірна, сілавыя метады разгону да пратэстоўцаў не ўжываліся. Увечары пачалі масава адпускаць затрыманых з ІЧУ.
Стужка навiн
0