11:20 04 снежня 2020
«Радыё Sputnik»
  • USD2.59
  • EUR3.13
  • 100 RUB3.44
Здарэнні
Атрымаць кароткую спасылку
БелАЭС у Астраўцы (125)
1710

У праграме пуску першага энергаблока прадугледжаны рэжым зніжэння магутнасці генератара - аж да нулявога.

МІНСК, 10 ліс - Sputnik. Пастаўкі электраэнергіі ад Беларускай атамнай станцыі ў энергасістэму рэспублікі прыпыненыя, паведамілі ў прэс-службе Міністэрства энергетыкі рэспублікі.

Раней у панядзелак 9 лістапада Міністэрства распаўсюдзіла паведамленне, у якім гаварылася, што на БелАЭС праводзіліся выпрабаванні, падчас якіх высветлілася, што асобнае электратэхнічнае вымяральнае абсталяванне на першым блоку трэба замяніць.

"Міністэрства энергетыкі пацвярджае факт часовага спынення пастаўкі электраэнергіі ад Беларускай АЭС, што і прадугледжана праграмай этапу "Энергетычны пуск", - сказалі ў ведамстве.

Там таксама ўдакладнілі, што ў праграме прадугледжаны рэжым зніжэння магутнасці генератара (аж да нулявога) для выпрабаванняў і неабходных прац, у тым ліку даводкі і наладкі абсталявання - менавіта гэта адбываецца цяпер на станцыі.

"Усе тэхналагічныя сістэмы на энергаблоку працягваюць працаваць у штатным рэжыме", - запэўнілі ў Мінэнерга.

Энергетычны пуск БелАЭС адбыўся 7 лістапада. Урачыстую цырымонію наведаў кіраўнік дзяржавы Аляксандр Лукашэнка, які заявіў, што Беларусь у гэты дзень стала ядзернай дзяржавай. Раней турбагенератар першага энергаблока Беларускай АЭС быў уключаны ў аб'яднаную энергасістэму краіны.

Чытайце таксама:

Тэмы:
БелАЭС у Астраўцы (125)
Тэги:
БелАЭС

Галоўныя тэмы