МІНСК, 15 лют – Sputnik. Эпідэмія ліхаманкі Эбола пачалася ў субпрэфектуры Гуэке на паўднёвым захадзе Гвінеі, паведаміла ў нядзелю Міністэрства аховы здароўя краіны.
Па дадзеных мясцовых уладаў, у дзяржаве ўпершыню з 2016-га былі зарэгістраваны чатыры смяротныя выпадкі ад ліхаманкі.
"Урад Гвінеі аб'яўляе аб эпідэміі хваробы, выкліканай вірусам Эбола", - паведаміў офіс прэм'ера краіны.
Міністэрства аховы здароўя рэкамендавала ізаляваць грамадзян з падазрэннем на Эболу і актывізаваць дзейнасць каардынацыйнай камісіі па рэагаванні на сітуацыю, якая складваецца.
Ліхаманка Эбола - вострая вірусная інфекцыя, якая можа паражаць як людзей, так і некаторых жывёл. Апошняя эпідэмія адбылася ў Заходняй Афрыцы ў 2015 годзе, яна ў асноўным закранула тры дзяржавы: Гвінею, Ліберыю і Сьера-Леонэ.
Чытайце таксама:
- Афіцыйна: 100 млн выпадкаў каронавіруса зарэгістравана ў свеце
- Навукоўцы выявілі яшчэ адно непрыемнае наступства каронавіруса
- СААЗ назвала найбольш верагодную прычыну ўзнікнення COVID
