15:10 11 красавіка 2021
«Радыё Sputnik»
  • USD2.64
  • EUR3.14
  • 100 RUB3.43
Цiкавосткi
Атрымаць кароткую спасылку
21 0 0

Узломшчыку акаўнта жыхара райцэнтра ў анлайн-гульні DarkOrbit пагражае пакаранне ў выглядзе штрафу альбо пазбаўлення волі тэрмінам на два гады.

МІНСК, 19 лют — Sputnik. Кобрынскі райаддзел Следчага камітэта Беларусі распачаў крымінальную справу па факце крадзяжу ў мясцовага жыхара касмічнага карабля ў сеткавай гульні DarkOrbit, паведамляе інтэрнэт-партал Кобрына.

Заява ў Кобрынскі РАУС ад 31-гадовага непрацуючага мужчыны паступіла 12 студзеня бягучага года.

"У сваёй заяве малады чалавек просіць правесці праверку па факце ўзлому пароляў яго паштовай скрыні і крадзяжу віртуальнага баявога карабля з яго гульні", — паведамляе партал.

Па дадзеных заяўніка, невядомы 5 студзеня ўзламаў электронную паштовую скрыню жыхара Кобрына i авалодаў акаўнтам у гульні Dark Оrbit, матэрыяльны ўрон ад крадзяжу акаўнта склаў больш за 5 мільёнаў рублёў.

Крымінальная справа распачата па ч. 2 арт. 349 Крымінальнага кодэкса Беларусі "Несанкцыянаваны доступ да кампутарнай інфармацыі", санкцыя якой прадугледжвае пакаранне ў выглядзе штрафу, арышту, абмежавання або пазбаўлення волі на тэрмін да двух гадоў.

Тэги:
Характэрныя факты, Злачынства, закон і правасуддзе, Злачынства, Беларусь

Галоўныя тэмы