22:26 20 лютага 2018
«Радыё Sputnik»
Аўсяны кісель з мёдам

Для тых, хто добра адсвяткаваў: рэцэпт беларускага аўсянага кісялю

© Sputnik/ Ларыса Мятлеўская
Цiкавосткi
Атрымаць кароткую спасылку
2220

Пра пахмелле яшчэ сам Якуб Колас пісаў у сваім аднаіменным вершы: "Тфу! Пад грудзі падпірае! Кішкі зблытаны ў камяк, ну, а ў роце, каб ты знала — фэ, які нядобры смак!".

Прапануем вам рэцэпт аўсянага кісялю, які ў гэтыя дні прыйдзецца якраз дарэчы. Спадзяемся, дапаможа і спадабаецца.

Калі вы хацелі раніцай 1 студзеня паласавацца аўсяным кісялём, трэба было рыхтавацца загадзя: страва павінна настойвацца двое сутак. Але наперадзе доўгія навагоднія святы, таму рэцэпт усё яшчэ можна занатаваць.

Для таго, каб прыгатаваць традыцыйны беларускі кісель з сучасных беларускіх прадуктаў, спатрэбяцца:

  • Аўсяныя шматкі "Геркулес" або аўсяныя крупы
  • Вада
  • Мёд
  • Карыца

Замест "Геркулеса" можна выкарыстаць аўсяную муку. Калі такой няма ў хаце, дастаткова перамалоць аўсяныя крупы на кавамолцы.

На 100 грамаў сыравіны бяром 1 літр гарачай кіпячонай вады. Далей усё проста — заліваем муку або шматкі вадой і пакідаем на двое сутак. Асабліва нецярплівыя могуць скараціць тэрмін да адных сутак.

Пасля жмых трэба аджаць, а застаўшуюся вадкасць варыць на слабым агні, пакуль яна не загусцее. Спрабаваць традыцыйную беларускую страву, якая зараз многім можа падацца экзатычнай, лепш з мёдам і карыцай. Некаторыя гурманы рэкамендуюць дабаўляць у кісель кефір ці вяршкі.

Аўсяны кісель мае своеасаблівы смак і пах, але дапаможа страўніку, які раніцай актыўна змагаецца з наступствамі вячэрняга застолля.

По теме

Мікульчык: традыцыйная беларуская куцця спрыяе амаладжэнню
Тэги:
похмелье, Новый год, народные традиции, Беларусь
Правілы карыстанняКаментары

Галоўныя тэмы