Таболіч: мы не будзем паліць шыны ад машыны на Купалле

© Photo : Алесь ТаболічАдзін з арганізатараў фестываля "Купальскае кола-2015" Алесь Таболіч
Адзін з арганізатараў фестываля Купальскае кола-2015 Алесь Таболіч - Sputnik Беларусь
Падпісацца
Арганізатар этна-канферэнцыі-фэсту “Купальскае кола-2015” Алесь Таболіч распавёў карэспандэнту Sputnik пра асаблівасці мерапрыемства, прысвечанага народнаму святу.

Юлія Хвошч, Sputnik

Фестываль пройдзе на тэрыторыі музейнага комплекса старадаўніх і народных рамёстваў "Дудуткі" 20 і 21 чэрвеня.

Купальская ноч - Sputnik Беларусь
“Купальскае кола-2015” пройдзе ў “Дудутках” 20-21 чэрвеня

На працягу двух дзён прадстаўнікі музычных калектываў, этнаграфічных таварыстваў, студэнты і выкладчыкі Беларускага Дзяржаўнага Універсітэта Культуры і Мастацтваў, прадстаўнікі дзяржаўных і прыватных этнаграфічных музеяў Рэспублікі Беларусь змогуць абмяняцца досведам, напрацоўкамі ў галіне даследвання абрадаў і традыцый, народнай культуры продкаў у рамках мерапрыемстваў этна-канферэнцыі-фэсту "Купальскае Кола 2015".

Канцэпцыя фестываля

Галоўнае адрозненне правядзення "Купальскага кола" сёлета — гэта тое, што ён будзе прахадзіць на адкрытым паветры і ў арганізатараў з'явілася магчымасць не толькі зладзіць вялікі канцэрт з выступам знакамітых метал-гуртоў Беларусі, як гэта было раней, але і зрабіць спробу рэамінаваць Купальскае свята, паказаць як яго святкавалі нашыя продкі, перадаць усю прыгажосць абрадаў.

"Мэта фестывалю не ў тым, каб зладзіць рок-канцэрт, выпіць і спаліць шыны ад машыны. Мы хацім паказаць наведвальнікам і зацікаўленым, як нашыя продкі адзначалі гэтае свята", — сказаў Таболіч.

Арганізатарамі быў абраны музейны комплекс "Дудуткі" таму, што там ёсць рэчка, па якой можна пусціць вянкі і дзе можна купацца, месца, дзе можна зрабіць вогнішча і правесці абрады, лес, у якім трэба будзе знайсці папараць-кветку і атрымаць за гэта падарункі. У "Дудутках" прысутнічае дух сапраўднай вёскі, што зробіць атмасферу святкавання па-сапраўднаму беларускай.

© Photo : RokashУдзельнікі "Купальскага кола-2015" гурт "Рокаш"
Удзельнікі Купальскага кола-2015 гурт Рокаш - Sputnik Беларусь
Удзельнікі "Купальскага кола-2015" гурт "Рокаш"

"У прынцыпе будзе цікава. Таму што фестывалю прысвечаны два дні, да яшчэ і з элементамі рэанімацыі Купалля — такога яшчэ не было. Там будзе шмат людзей, якія будуць удзельнічаць, вадзіць карагоды, спяваць адпаведныя песні. Гэта будзе маштабнае культурніцкае мерапрыемства, якое адлюстроўвае святкаванне Купалля нашымі продкамі", — распавёў Таболіч.

Святкаванне

Усё мерапрыемства будзе падзелена на разнапланавыя блокі. Першы і асноўны блок — музычны. На працягу двух дзён больш за 30 калектываў будуць выступаць амаль нон-стопам.

Другі блок звязаны з рамеснымі вырабамі, вышыванкамі, сувенірамі і адмысловым мэрчэм.

Трэці блок — так званы дзіцячы, які ўключае актыўныя гульні, "спартовыя фішкі", спаборніцтвы як для дзяцей, так і для дарослых. Усе ахвочыя змогуць прыняць удзел у веламарафоне.

© Photo : Купальскае колаУдзельніца фотаконкурсу "Купальскае кола-2015" Анастасія Сазанавец
Удзельніца фотаконкурсу Купальскае кола-2015 Анастасія Сазанавец - Sputnik Беларусь
Удзельніца фотаконкурсу "Купальскае кола-2015" Анастасія Сазанавец

Галоуны блок — абрадавы. Уноч з 20-га на 21-е чэрвеня наведвальнікі фестываля будуць вадзіць карагоды вакол вогнішча, прыгаць праз попел, шукаць папараць-кветку.

"Ну і самае галоунае — гэта само Купалле. Мы будзем рэанімаваць свята. Яно само па сабе павинна быць традыцыйным, але у нас больш падобна на масавую імправізацыю", — распавёў Таболіч.

"3 купальскай ноччу на Беларусі звязаны самыя неверагодныя ўяўленні аб актывізацыі рознай "нечысці" — чарцей, пярэваратняў і, што асабліва характэрна для беларускай міфалогіі, — ведзьмаў. Шматлікія паданні беларускай зямлі звязаны таксама з папараць-кветкаю, якая зацвітае апоўначы на Купалле. Той, хто яе мог адшукаць і сарваць, станавіўся самым багатым чалавекам і набываў незвычайныя здольнасці, напрыклад пачынаў разумець мову раслін і жывёл", — распавялі арганізатары мерапрыемства.

Будзе мець месца і навуковы блок. Вядомыя навукоўцы і этнографы будуць чытаць лекцыі, праводзіць семінары, расказваць пра старадаўнія традыцыі Купалля і пра тое Купалле, якое існуе зараз, праводзіць паралелі.

На тэрыторыі правядзення мерапрыемства будзе зладжаны наметавы лагер для гледачоў. Ён будзе працаваць з 12.00 20 чэрвеня да 17.00 21 чэрвеня.

Лакацыі фестываля

Падчас правядзення фестываля на тэрыторыі комплекса "Дудуткі" будзе працаваць больш 10 разнапланавых пляцовак, дзе адпачываючыя змогуць актыўна адпачыць, набыць сувеніры, наведаць майстар-класы па старажытным беларускім рамёствам, адведаць беларускай нацыянальнай кухні:

  • канцэртная пляцоўка. Музычныя калектывы folk / folk-rock / pagan і сумежных кірункаў. Жывы гук;
  •  кірмаш: вырабы традыцыйных рамесных майстэрняў ручной працы, посуд, адзенне, упрыгожванні, вырабы з лёну і г.д;
  • актыўная пляцоўка: футбол, валейбол, правядзенне традыцыйных купальскіх гульняў;
  • горад майстроў: кузня, ганчарная майстэрня, саломапляценне, абрадавая лялька, ткацтва і г.д;
  • этна-пляцоўка: аднаўленне традыцыйных абрадаў святкавання Купалля, варожбы, пляценне і запуск вянкоў па вадзе, купальскія вогнішчы і г.д.
  • карчма: стравы традыцыйнай беларускай кухні, кулінарныя майстар-класы;
  •  навуковая пляцоўка —канферэнцыі, семінары, круглыя сталы;
  • фота-выстава.
© Photo : купальскае колаСхема "Купальскага кола-2015"
Схема Купальскага кола-2015 - Sputnik Беларусь
Схема "Купальскага кола-2015"

Папсы не будзе

Таболіч адразу дакладна адзначыў: "Папсы не будзе". Лайн-ап мерапрыемства складаюць толькі прадстаўнікі айчыннай і замежнай folk, folk-rock і pagan-metal сцэны.

На дадзены момант у спіс музычных удзельнікаў фестываля заяўлена больш за 30 гуртоў з Беларусі і замежжа. Сярод іх аўтэнтычныя калектывы ("Мярэжа", "Рутвіца", "Ягорава гара"), прадстаўнікі мадэрновага року, прадстаўнікі pagan-metal сцэны — Gods Tower, беларускі англамоўны метал-гурт з Гомеля, які амаль два гады не выступаў на Беларусі.

Хэдлайнерам заяўлены польскі гурт Vader, які адносіцца да плеяды "олдскульных" металічных гуртоў (калектыў заснаваны ў 1983 годзе) і лічыцца асновай польскай метал-сцэны.

"Я думаю, што спалучэнне фолку и метала — гэта и ёсць у нейким сэнсе сакральныя паняцці, таму што такое можна пабачыць не кожны дзень. Выпіць чарачку на "пасашок" і адведаць беларускай кухні можна і ў іншы дзень,а тут сапрауды абрадавыя і сакральныя рэчы. І яшчэ метал-музыка. Гэта не для кожнага слухача".

Падрабязны спіс удзельнікаў і час іх выступлення можна паглядзець на афіцыйным сайце мерапрыемства.

Як дабрацца

З аўтавакзала "Усходні" будзе курсаваць рэйсавы аўтобус "Усходні-Дудуткі" — 9:40-11:05, 12:55-14:15, 16:10-17:30.

20-га і 21-га чэрвеня будуць арганізаваны дадатковыя аўтобусныя рэйсы з Мінска.

Стужка навiн
0