22:20 30 сакавіка 2020
«Радыё Sputnik»
  • USD2.60
  • EUR2.88
  • 100 RUB3.26
Стыль жыцця
Атрымаць кароткую спасылку
Посцім смачна: самыя цікавыя і смачныя рэцэпты (16)
13750

Этнограф Ларыся Мятлеўская вучыць гатаваць сапраўдную вітамінну бомбу - салату, якая дапаможа наталіцца вітамінамі і ўтаймаваць голад падчас посту.

Яшчэ да нядаўняга часу старэйшае пакаленне беларусаў строга прытрымвалася царкоўнага календара, у якім пазначаліся дні посту. Так, Вялікі пост у каталікоў ужо скончыўся, а ў праваслаўных працягнецца да 19 красавіка.

Абыходзіцца без мяса, малака і яек было складана, тым больш вясной, калі арганізму так не хапала вітамінаў. Менавіта таму старажытныя гаспадыні эксперыментавалі з рознымі стравамі і імкнуліся зрабіць іх як мага больш разнастайнымі і смачнымі.

 

Бульбяная салата з часнаком

Інгрыдыенты:

  • 1 кг бульбы
  • 1 цыбуліна
  • 1 галоўка часнаку
  • 0,5 шклянкі вады
  • соль
  • зеляніна

Як гатаваць:

Бульбу адварыць у мундзірах (шынялёх), астудзіць і пачысціць. Часнок пачысціць і патаўчы ў ступцы, развесці халоднай гатаванай вадой. Накрышыць кубікамі бульбу, дадаць здробненыя цыбулю і часнок, соль, перамяшаць, выкласці на талерку і пасыпаць здробненай зелянінай. Калі такой няма, то выкарыстаць сушаную пятрушку або кроп, цім'ян.

Бульбяная салата з часнаком
© Sputnik Ларыса Мятлеўская
Бульбяная салата з часнаком

Парада руплівай гаспадынькі: Калі захочаце зрабіць невялікую порцыю салаты, то і цыбулі з часнаком дадаць трэба няшмат і не лішнім будзе тут алей. Можна ўзяць сланечнікавы, а ў якасці спецый выкарыстаць сушаны цім'ян, зялёны часнок, які ўдала расце на маім падваконніку, і зялёны кроп, набыты ў краме.

Тэмы:
Посцім смачна: самыя цікавыя і смачныя рэцэпты (16)
Тэги:
Нацыянальная кухня, беларуская кухня, салата, посныя стравы, бульба, Рэцэпты, Беларусь

Галоўныя тэмы