04:11 18 кастрычніка 2018
«Радыё Sputnik»
  • USD2.11
  • EUR2.44
  • 100 RUB3.22
Беларускае Палессе

Эколагі прапануюць зрабіць Палессе аб’ектам сусветнай спадчыны ЮНЭСКА

© Sputnik / РИА Новости
Прырода
Атрымаць кароткую спасылку
4820

Такім чынам плануецца зберагчы ўнікальную прыроду рэгіёна ад разбуральных наступстваў дзейнасці чалавека.

МІНСК, 8 чэр — Sputnik. Беларуская арганізацыя "Ахова птушак Бацькаўшчыны" (АПБ) прапануе ўключыць частку Палесся ў спіс аб'ектаў сусветнай спадчыны ЮНЭСКА, паведамілі Sputnik у грамадскай арганізацыі.

Многія мясціны на Палессі ўжо атрымалі статус біясфернага запаведніка альбо тэрыторыі, якая падпадае пад дзеянне Рамсарскай канвенцыі, але прырода гэтага рэгіёну яшчэ знаходзіцца пад пагрозай.

Спецыялісты папярэджваюць, што адчувальную шкоду расліннаму і жывёльнаму свету Палесся можа нанесці асушэнне балот і фрагментацыя прыроднага асяроддзя з-за пашырэння аб'ектаў інфраструктуры і лясных гаспадарак. Разбуральныя наступствы таксама можа мець і пабудова воднага шляху Е40 з Чорнага да Балтыйскага мора.

З гэтай нагоды пад кіраўніцтвам Франкфурцкага заалагічнага таварыства (ФЗТ) зараз рэалізуецца праект па захаванні прыроднага асяроддзя Палесся, у рамках якога "Ахова птушак Бацькаўшчыны" праводзіць даследванні расліннага і жывёльнага свету.

"ФЗТ і АПБ рэалізуюць сумесныя працы ў Палессі ўжо шмат гадоў, але раней гэта тычылася працы з фокусам на асобныя віды. Новы праект па Палессі дазваляе пачаць комплексныя працы па захаванні дзікай прыроды гэтага ўнікальнага рэгіёна", — падкрэсліў кіраўнік праекта Віктар Фянчук.

Зараз удзельнікі грамадскай арганізаціі прымаюць меры па ахове некранутай прыроды, праводзяць паўторнае забалочванне асушаных балот і пойменных лясоў і сочаць за выкананнем дзеючых прыродаахоўных законаў.

По теме

Унікальныя славянскія паселішчы знайшлі на Палессі
А вы і не ведалі: Маленькі Прынц жыве на Палессі
Польшча больш не будзе секчы лес ў Белавежскай пушчы
Тэги:
Прырода Беларусі, ЮНЭСКА, Ахова птушак Бацькаўшчыны, Палессе, Беларусь
Правілы карыстанняКаментары

Галоўныя тэмы