02:21 17 ліпеня 2019
«Радыё Sputnik»
  • USD2.03
  • EUR2.28
  • 100 RUB3.23
Ссохлая кукуруза

Аграрыі паведамілі пра гібель ураджаю на поўдні Беларусі з-за спякоты

© Sputnik / Андрей Архипов
Прырода
Атрымаць кароткую спасылку
1310

У апошні раз дажджы былі ў Гомельскай вобласці ў маі, што прывяло да глебавай засухі на палях.

МІНСК, 14 чэр - Sputnik. Яравыя культуры "згараюць" на палях Гомельскай вобласці з-за анамальнай засухі, прагучала ў эфіры тэлеканала "Беларусь 1".

Аграрыі збіраюць з палёў недаспелы ўраджай, які ўжо пойдзе на корму для жывёл. У апошні раз дажджы ў Гомельскай вобласці прайшлі ў маі, што прывяло да глебавай засухі. У некаторых рэгіёнах зямля высахла ўглыб на 12 сантыметраў.

"З-за надвор'я засталася адна салома. Яшчэ больш чакаць, усё перасохне, і мы не возьмем нічога", - распавёў намеснік дырэктара ААТ "Знамя радзімы" Максім Карнеенка.

У некаторых СВК збіраюцца паспець перасеяць ураджай. У Віцебскай вобласці для захавання агародніны выкарыстоўваюць палівальную ўстаноўку. Так, у адной з гаспадарак капусту паліваюць з пяці гадзін раніцы да адзінаццаці вечара. Ваду перапампоўваюць з суседняй сажалкі, у суткі яе сыходзіць да 200 тон. А ў Мінскай вобласці збожжавыя культуры апрацоўваюць адмысловымі прэпаратамі, якія пазбаўляюць расліны ад "стрэсу" у анамальную спякоту.

Тэмпературны рэкорд за ўсю гісторыю метэаназіранняў быў пабіты ў Беларусі 12 чэрвеня. Рэкардсменам па краіне стаў Жлобін, дзе было зафіксавана + 34,7°С. У сувязі са спякотай у краіне аб'яўлены аранжавы ўзровень небяспекі да суботы 15 чэрвеня. Прагназуецца, што спякота спадзе ў Беларусі ў другой палове месяца.

Тэги:
Надвор'е, Беларусь

Галоўныя тэмы