05:52 21 жніўня 2018
«Радыё Sputnik»
  • USD2.05
  • EUR2.34
  • 100 RUB3.05
Кіраўнік PR-праектаў кампаніі Мота-Івэнт Таццяна Харлінская
© Sputnik / Александр Кривошеев

Харлінская: бяспеку мотапараду забяспечаць ДАІ і самі матацыклісты

Навіны
Атрымаць кароткую спасылку
3410

Кіраўнік PR-праектаў кампаніі "Мота-Івэнт" Таццяна Харлінская распавяла радыё Sputnik Беларусь аб тым, як будзе арганізаваны кантроль за бяспекай удзельнікаў і гасцей вялікага мотасвята H.O.G. Spring Challenge, якое пройдзе ў нядзелю 29 красавіка на пляцоўцы каля Дома Футбола ў Мінску.

Мотападзеі ў Мінску і Беларусі, арганізаваныя мижнароднай мотасупольнасцю Harley Owners Group, з поспехам праходзяць не першы год. Колькасць удзельнікаў і гледачоў стабільна расце, толькі ў мінулым годзе закрыццё сезона наведала больш за 100 тысяч чалавек. Само сабой, чым больш людзей і матацыклаў становіцца, тым большую ўвагу трэба надаваць пытанням бяспекі.

Адной з прыкметных падзей нядзельнага мотасвята стане традыцыйны мотапарад, які стартуе ад мемарыяла Курган Славы. Калона з 5 тысяч матацыклістаў раніцай 29 красавіка пройдзе праз увесь горад па двух цэнтральных праспектах да Дома Футбола.

"Бяспеку дарожнага руху на гэтым мерапрыемстве будзе забяспечваць спецпадраздзяленне УДАІ МУС "Страла". Яны адны з арганізатараў і нашы партнёры. Будзе працаваць і мотабатальён, і аўтамабільныя патрулі, і пешыя супрацоўнікі. Яшчэ адно ноу-хау: для бяспекі мы ўпершыню выкарыстоўваем відэарэгістратары. Асаблівых праблем у калоне ў нас не ўзнікае, але такі сродак будзе дысцыплінаваць байкераў", — сказала Харлінская.

Па словах суразмоўніцы Sputnik, пры фіксацыі якіх-небудзь парушэнняў з боку матацыклістаў іх будуць прыцягваць да адміністрацыйнай адказнасці ў адпаведнасці з законам. Рух у вялікі калоне — задача адказная і складаная, там ёсць свае правілы, якія неабходна выконваць. Бяспека залежыць не толькі ад ДАІ, але і ад паводзін кожнага матацыкліста.

Размову з Таццянай Харлінскай слухайце ў аўдыёзапісе радыё Sputnik Беларусь.

По теме

ДАІ расказала, што чакае байкераў у новым сезоне
Фотафакт: мотасезон адкрылі ў Мінску
Тэги:
H.O.G. Rally Minsk, Адкрыццё мотасезону, ДАІ, Таццяна Харлінская, Мінск
Правілы карыстанняКаментары

Галоўныя тэмы