02:44 22 жніўня 2017
«Радыё Sputnik»
На плошчы Свабоды ў Мінску размалявалі ліхтары

Намаляванаму верыць: слуцкія паясы ці не

© Sputnik / Виктор Толочко
Меркаванне
Атрымаць кароткую спасылку
9771

Ліхтары каля мінскай Ратушы ўпрыгожылі каляровыя ўзоры. У іх можна разгледзець узоры са слуцкіх паясоў.

Светлавыя апоры на плошчы Свабоды ўпрыгожылі пластыкавымі фартухамі, якія, як заявілі аўтары праекту, адаптаваны і размаляваныя пад слуцкія паясы.

Адкрыццё прайшло з помпай — прысутнічалі гарадскія чыноўнікі, дэпутаты і звычайныя мінчане. Праўда, "размалёўкай" былі ўганараваны ўсяго шэсць светлавых апор.

Аўтарамі праекта сталі прадстаўнікі Беларускай акадэміі мастацтваў. Уласнымі сіламі яны і рэалізавалі яго з блаславення гарадскіх уладаў.

На площади Свободы разрисовали фонарные столбы
© Sputnik / Виктор Толочко
На плошчы Свабоды размалявалі ліхтары

Sputnik вырашыў разабрацца, наколькі гэтыя ўзоры падобныя на слуцкія паясы і якую мастацкую каштоўнасць нясуць.

Мастацтвазнаўца, куратар карпаратыўнай калекцыі Белгазпрамбанка Аляксандр Зіменка распавёў, што ўзоры на светлавых апорах, сапраўды спроба перапрацаваць узоры са слуцкіх паясоў.

Мастацтвазнаўца прайшоўся па графіці на Кастрычніцкай
© Sputnik/ Станіслаў Андросік / Арцём Бардоўскі

"Першы дырэктар цяперашняга Нацыянальнага мастацкага музея Мікалай Міхалап прапанаваў выкарыстоўваць арнамент са слуцкіх паясоў як элемент традыцыйнай культуры Беларусі", — растлумачыў мастацтвазнаўца.

Пры гэтым нельга сказаць, што ўзоры змаляваны са слуцкіх паясоў — гэта паўнавартасная стылізацыя і адаптацыя. Гэтая праца падобная на слуцкія паясы, а не новы выдуманы ўзор.

Аляксандр Зіменка звярнуў увагу, што раней ужо пісалі пра тое, што ўзоры з ліхтароў быццам бы з'яўляюцца тыпавымі і не маюць дачынення да слуцкіх паясоў. Блытаніна паўстала з-за таго, што ўзор на спадніцы светлавога ліхтара з'яўляецца стылізацыяй слуцкага пояса, а кветка, якая з'яўляецца пераходным элементам ад спадніцы да слупа, была стандартнай і магла выкарыстоўвацца па ўсім Савецкім Саюзе.

Цветовое оформление фартуков световых опор
© Sputnik / Виктор Толочко
Каляровае аздабленне ліхтароў ля Ратушы

Мастацтвазнаўца баяўся, што пры рэалізацыі праекта колеры будуць абраныя знарочыста яркімі, каб прыцягваць увагу. "Трэба аддаць належнае мастаку, які абраў мяккія тоны, характэрныя для слуцкага пояса. Фарбавальнікі тады былі натуральныя, выкарыстоўваліся залатыя ці срэбныя ніткі, гэта значыць "вырві вока" чырвонага або жоўтага там проста не магло быць", — канстатаваў ён.

Любы праект па каляроваму напаўненню горада, улічваючы нашы шэрыя рэаліі, уяўляе цікавасць. Спроба ўладаў асучасніць гарадское асяроддзе, на погляд Аляксандра Зіменкі, з'яўляецца пазітыўнай.

По теме

Дызайнер з Гродна стварыла калекцыю адзення па матывах слуцкіх паясоў
Тэги:
Слуцкія паясы, мастацтва, Аляксандр Зіменка, Мінск, Беларусь
Правілы карыстанняКаментары

Галоўныя тэмы