12:21 22 кастрычніка 2019
«Радыё Sputnik»
  • USD2.04
  • EUR2.28
  • 100 RUB3.20
Фота

Свята багатага ўраджаю: як адзначылі Багач у Вязынцы

Атрымаць кароткую спасылку
Спадчына: традыцыі і вераванні нашых продкаў (71)
22620
  • У народным календары Багач прымеркаваны да заканчэння збору ўраджая.
  • У гэты дзень запальваюць першы пасля лета агонь у хаце: у лубок са свечкай кожны ўсыпае па жменцы зерня.
  • У Вязынцы ўзнавілі старажытны абрад.
  • На ўрачыстым адкрыцці свята спявалі народныя песні. І нават самыя маленькія госці ўважліва слухалі.
  • Гэтую свечку пасля захоўвалі на покуці ўвесь год - лічылася, што гэта прынясе ў дом шчасце і дабрабыт.
  • Восень парадавала апошнімі цёплымі днямі.
  • Хутка пахаладае і пойдуць дажджы, ну а пакуль беларусы радуюцца сапраўднаму бабінаму лету.
  • Падсілкавацца на свяце можна салодка - свежым хлебам і мёдам.
  • На жывапісным беразе жанчыны зладзілі танцы.
  • Напярэдадні халадоў самы час запасціся цёплымі рэчамі.
  • Прыгожы восеньскі букет - лепшы дэкор для святочнага стала.
  • Увосень усё становіцца розных адценняў золата - ці гэта не сапраўднае багацце?
  • З апошніх кветак можна зрабіць вельмі прыгожы дэкор.
  • Малыя весела бавілі час і вучыліся рабіць выцінанкі.
  • Таксама плялі вянкі з прыгожага рознакаляровага лісця.
  • Самыя рызыкоўныя спрабавалі сябе ў вясёлай народнай гульні.
  • І малыя, і дарослыя ахвотна танчылі на імправізаванай сцэне.
  • Калі наскакаўся і стаміўся, што можа быць лепей за сытную і смачную кашу?
© Sputnik Альфрэд Мікус
У народным календары Багач прымеркаваны да заканчэння збору ўраджая.

На выхадных у Вязынцы сабраліся, каб адсвяткаваць адно з самых шчодрых свят народнага календара - Багач.

У народным календары Багач адзначаецца, калі ўраджай ужо сабраны і "ў хаце ў кожнага ўсяго багата". У гэты дзень адбываецца першае пасля лета запальванне хатняга агменю. Васковую свечку ставяць у лубок з жытам, запальваюць, а пасля захоўваюць на покуце на працягу ўсяго года. Гэты абрад павінны забяспечыць гаспадарам багацце і дабрабыт.

У агульны Багач кожны з вёскі ссыпае па жменцы зерня са свайго ўраджаю. Пасля ўсе частуюцца свежым хлебам, яблыкамі і мёдам, спяваюць і танцуюць. 

Карэспандэнт Sputnik Альфрэд Мікус пабываў на свяце ў вёсцы Вязынка і захаваў на фотаздымках цудоўныя моманты і хараство восеньскай прыроды. 

Акрамя танцаў і спеваў, на свяце разгарнуўся традыцыйны кірмаш, дзе можна было не толькі набыць прыемныя сувеніры, але і павучыцца ў майстроў. Гасцей свята чакалі гульні, забаўкі і ласункі - як прайшоў Багач, глядзіце ў фотастужцы. 

Тэмы:
Спадчына: традыцыі і вераванні нашых продкаў (71)
Тэги:
Беларусь, Вязынка, Багач

Яшчэ фотастужкі

Галоўныя тэмы