22:58 03 жніўня 2020
«Радыё Sputnik»
  • USD2.45
  • EUR2.88
  • 100 RUB3.30
  • Рана раніцай вясковыя жанчыны збіраюцца разам, каб падрыхтавацца да свята.
  • Сімвалам вясны, росквіту прыроды ў сяле Новае Палессе лічаць ялінку.
  • Яе ўпрыгожваюць рознакаляровымі папяровымі кветкамі і спяваюць абрадавыя песні.
  • Яшчэ адзін, і самы важны атрыбут свята - васковая свечка - сімвалізуе шчаслівае жыццё і служыць магутным абярэгам ад нячыстай сілы, пажару і маланкі.
  • Свечкі раніцай асвячаюць у царкве і прыносяць дадому.
  • Упрыгожаную елку даюць дзяўчынцы, якую потым на санках, а калі няма снегу - на калясцы, хлопцы возяць па вёсцы.
  • Жыхары вёскі суправаджаюць гэта шэсце і спяваюць песні, каб заклікаць вясну.
  • На скрыжаваннях спыняюцца і водзяць карагоды.
  • Вясновыя песні, або вяснянкі - традыцыйныя абрадавыя спевы, якія перадаюцца з пакалення ў пакаленне.
  • Елачку замацоўваюць на крыжы, а тую, што засталася з мінулага года, здымаюць - на Вялікдзень яе можна будзе спаліць.
  • Комплекс каляндарных і сямейных песень, абрадаў, якія захоўвае і практыкуе калектыў Палескія напевы з вёскі Новае Палессе, з 2009 года мае статус нематэрыяльнай культурнай спадчыны Беларусі і ўнесены ў Нацыянальны інвентар.
  • У Лельчыцкім краі, дзе спрадвеку займаюцца бортным промыслам, мёд, воск і пчолы прысутнічаюць ва ўсіх праявах традыцыйнай культуры.
  • Пасля ўрачыстага шэсця пачынаюцца забавы. На агні смажаць сала і хлеб.
  • Напэўна, няма нічога смачней за акрайчык хлеба, які з'ядаеш на свежым паветры.
  • Кожнае свята абавязкова суправаджаецца музыкай і танцамі.
  • Дзеці і дарослыя гуляюць у традыцыйныя гульні.
  • Арэлі - таксама сімвал надыходзячай вясны і цяпла.
  • У хаце ўдзельнікаў свята чакае багаты стол.
© Sputnik Альфрэд Мікус
Рана раніцай вясковыя жанчыны збіраюцца разам, каб падрыхтавацца да свята, на якое "зіма з летам сустракаецца".

15 лютага беларусы адзначылі царкоўнае свята Стрэчанне, або Грамніцы, пра якое кажуць, што ў гэты дзень прайшла ўжо палова зімы.

У невялікай вёсцы Новае Палессе, якая знаходзіцца ў Лельчыцкім раёне Гомельскай вобласці, на выхадных заклікалі вясну карагодамі і спевамі. 

Рана раніцай жыхары вёскі наведалі царкву і асвяцілі там галоўны атрыбут свята - грамнічныя свечкі, якія, па павер'і, могуць абараніць хату ад маланкі, таму іх раяць запальваць у навальніцу. Акрамя таго, такія свечкі з'яўляюцца абярэгам ад пажараў і нячыстай сілы.

Яшчэ аднім сімвалам свята, у якое "зіма з летам сустракаецца", з'яўляецца ялінка. Яе ўпрыгожваюць папяровымі кветкамі і ўручаюць дзяўчынцы. Дзяўчынку разам з елкай потым возяць па вёсцы і спяваюць песні, каб заклікаць вясну. Пасля ўрачыстага шэсця пачынаюцца танцы, гульні і іншыя забавы.

Карэспандэнт Sputnik Альфрэд Мікус наведаў свята і захаваў старажытны абрад на фотаздымках. Як у Новым Палессі заклікалі вясну, глядзіце ў фотастужцы.

Яшчэ фотастужкі

Галоўныя тэмы