Лукашэнка і Дадон засеялі поле кукурузай

© Sputnik / Перайсці ў медыябанкПрэзідэнт Рэспублікі Беларусь Аляксандр Лукашэнка (злева) і прэзідэнт Малдовы Ігар Дадон
Прэзідэнт Рэспублікі Беларусь Аляксандр Лукашэнка (злева) і прэзідэнт Малдовы Ігар Дадон - Sputnik Беларусь
Падпісацца
Кіраўнікі дзвюх краін прынялі ўдзел у цырымоніі, прысвечанай пачатку пасяўной кампаніі.

МІНСК, 19 кра — Sputnik. Прэзідэнт Беларусі Аляксандр Лукашэнка і прэзідэнт Малдовы Ігар Дадон у чацвер на трактарах пасадзілі новы ўраджай кукурузы, паведаміла прэс-служба беларускага лідара.

Відэафакт: Лукашэнка паспытаў малдаўскага віна ля трапа самалёта - Sputnik Беларусь
Відэа
Відэафакт: Лукашэнка паспытаў малдаўскага віна ля трапа самалёта

Кіраўнікі дзвюх дзяржаў наведалі сёння інстытут раслінаводства "Парумбень" і прынялі ўдзел у цырымоніі "Дзень поля". Яна прысвечана пасяўной кампаніі.

Лукашэнка і Дадон таксама наведалі выставу сучаснай беларускай сяльгастэхнікі і абмеркавалі з кіраўніцтвам інстытута развіццё супрацоўніцтва паміж краінамі ў сферы раслінаводства. Затым прэзідэнты на трактарах пасадзілі новы ўраджай кукурузы.

Раней у чацвер Лукашэнка правёў сустрэчу з экс-прэзідэнтам Малдовы Мікалаем Цімафці.

"Нашы народы вельмі блізкія. Малдаване і беларусы заўсёды разумелі адзін аднаго", — адзначыў Цімафці.

Бакі абмеркавалі беларуска-малдаўскія адносіны і развіццё знешне- і ўнутрыпалітычнай сітуацыі ў дзвюх краінах.

У першы дзень візіту ў Малдову прэзідэнт Беларусі правёў перамовы з малдаўскім калегам i пакаштаваў мясцовага віна проста ў аэрапорце.

Лукашэнка ў ходзе сустрэчы з Ігарам Дадонам прызнаўся, што хацеў бы прайсціся пешшу па цэнтральнай вуліцы Кішынёва.

Таксама ў сераду прэзідэнт Малдовы заявіў, што краіна зацікаўлена ў тым, каб у бліжэйшы час з'явіўся авіарэйс Мінск — Кішынёў. Акрамя таго, ён адзначыў, што Беларусь уваходзіць у дзесятку эканамічных партнёраў Малдовы.

Стужка навiн
0