09:27 18 кастрычніка 2019
«Радыё Sputnik»
  • USD2.04
  • EUR2.26
  • 100 RUB3.19
Міністр замежных спраў Беларусі Уладзімір Макей

Макей: у Мінска і Рыгі няма праблем у адносінах

© Sputnik / Виктор Толочко
Палітыка
Атрымаць кароткую спасылку
2210

Двухбаковыя адносіны Беларусі і Латвіі развіваюцца, як на ўзроўні міністэрстваў і ведамстваў, так і паміж парламентамі дзвюх краін.

МІНСК, 25 ліп - Sputnik. У Беларусі падтрымліваюць сутнасць і мэты дыялогу з Латвіяй, сказаў міністр замежных спраў Беларусі Уладзімір Макей падчас сустрэчы са сваім латвійскім калегам Эдгарам Рынкевічсам, перадае карэспандэнт Sputnik.

Паводле яго слоў, сустрэчы паміж дыпламатамі Беларусі і Латвіі адбываюцца на рэгулярнай аснове. Міністры замежных спраў дзвюх краін праводзяць сустрэчы і на міжнародных пляцоўках.

"Такія кантакты існуюць і паміж іншымі профільнымі міністэрствамі. Гэта спрыяе ўсебаковаму паглыбленню паміж нашымі краінамі", - сказаў Уладзімір Макей.

У Беларусі падтрымліваюць сутнасць і мэты палітычнага дыялогу з Латвіяй і нацэлены на яго далейшы працяг.

Кіраўнік МЗС Беларусі адзначыў, што абмеркаваў са сваім калегам з Латвіі як міжнародны, так і рэгіянальны парадак дня.

"У прынцыпе нейкіх вялікіх праблем і прынцыповых не існуе", - падкрэсліў Уладзімір Макей.

Пры гэтым ён звярнуў увагу, што беларускі бок заўсёды гатовы абмяркоўваць складанасці ў адносінах з латвійскім бокам.

У сваю чаргу Эдгар Рынкевічс сказаў, што традыцыя сустракацца на ўзроўні міністраў у сталіцах дзвюх краін вельмі добрая і яе трэба працягваць.

Латвійскі міністр адзначыў, што "па-першае, у палітычнай сферы, а па-другое, у эканамічнай сферы, таксама ў рамках Усходняга партнёрства, па пытаннях рэгіянальнай бяспекі нам удалося знайсці рамкі супрацоўніцтва".

Паводле яго слоў, бакі прадастаўляюць адзiн аднаму iнфармацыю аб ваенных вучэннях. На такіх мерапрыемствах Латвія і Беларусь абменьваюцца назіральнікамі.

"Гэта паказвае, што ў нас ёсць даволі высокі ўзровень даверу", - лічыць Эдгар Рынкевічс.

У Латвіі яшчэ памятаюць леташні візіт прэм'ер-міністра ў Беларусь. Абодва бакі адкрыта абмяркоўваюць і існуючыя рознагалоссі.

Кіраўнік МЗС Латвіі звярнуў увагу, што цяпер абмеркаваннем двухбаковага парадку займаюцца парламентарыі. Таксама павінна адбыцца пасяджэнне міжурадавай камісіі.

Пры канцы ён сказаў, што "ёсць пытанні, якія трэба вырашаць у эканоміцы і палітыцы".

Тэги:
Уладзімір Макей, Рыга, Мінск

Галоўныя тэмы