Прэзідэнт Казахстана асабіста сустрэў Лукашэнку ў аэрапорце Нур-Султана

© Photo : пресс-служба президента БеларусиПрэзідэнт Казахстана асабіста сустрэў Лукашэнку ў аэрапорце Нур-Султана
Прэзідэнт Казахстана асабіста сустрэў Лукашэнку ў аэрапорце Нур-Султана - Sputnik Беларусь
Падпісацца
Афіцыйныя перамовы, у ходзе якіх мяркуецца абмеркаваць пытанні гандлёва-эканамічнага ўзаемадзеяння, прызначаныя на пятніцу.

МІНСК, 24 кас - Sputnik. Прэзідэнт Беларусі Аляксандр Лукашэнка прызямліўся ў аэрапорце "Нурсултан Назарбаеў" - у чацвер пачынаецца двухдзённы візіт кіраўніка беларускай дзяржавы ў Казахстан.

Ля трапа самалёта Лукашэнку асабіста сустракаў яго калега, прэзідэнт Казахстана, Касым-Жамарт Такаеў, паведамляе БелТА.

Афіцыйныя перамовы адбудуцца ў пятніцу. Мяркуецца, што прэзідэнты абмяркуюць развіццё міждзяржаўных адносін, перш за ўсё гандлёва-эканамічнае ўзаемадзеянне. Размова пойдзе пра перспектывы пашырэння прамысловай кааперацыі, нарошчванні супрацоўніцтва ў розных галінах эканомікі, у тым ліку ў сельскай гаспадарцы, транспарце і лагістыцы, нафтахімічным комплексе, сферы высокіх тэхналогій.

Мінск, сутыкнуўшыся з выдаткамі ад падатковага манеўра пры куплі нафты ў Расіі, неаднаразова заяўляў, што будзе шукаць альтэрнатыўных пастаўшчыкоў чорнага паліва. Адна з галоўных інтрыг цяперашняга візіту ў Казахстан - ці будзе падпісана па выніках перамоваў пагадненне аб пастаўках казахстанскай нафты ў Беларусь.

Чытайце таксама:

Стужка навiн
0