19:55 29 верасня 2020
«Радыё Sputnik»
  • USD2.64
  • EUR3.08
  • 100 RUB3.31
Палітыка
Атрымаць кароткую спасылку
Выбары прэзідэнта Беларусі - 2020 (217)
710

У сераду выканаўчыя камітэты будуць вызначаць склад выбарчых камісій - гэта значыць тых, хто непасрэдна будзе падлічваць галасы на выбарах.

МІНСК, 24 чэр - Sputnik. Стварэнне ўчастковых выбарчых камісій (УВК) завяршаецца ў сераду ў Беларусі, сведчаць дадзеныя каляндарнага плана прэзідэнцкіх выбараў.

Аляксандр Лукашэнка
© Photo : пресс-служба президента Беларуси

Беларусы маглі вылучацца ў склады ўчастковых выбарчых камісій да нядзелі.

Ужо ў панядзелак частка выканаўчых камітэтаў правяла пасяджэнні, на якіх чыноўнікі разглядалі заяўкі, што паступілі. Часта падобныя пасяджэння трансліруюцца анлайн.

У сераду выканкамы таксама правядуць пасяджэнні - сёння завершыцца фарміраванне ўчастковых выбарчых камісій.
У рамках гэтай перадвыбарнай гонкі шэраг кандыдатаў заклікалі прыхільнікаў падаваць заяўкі ва УВК для забеспячэння празрыстага падліку галасоў. Самай гучнай падобнай кампаніяй стала ініцыятыва "Сумленныя людзі" - аднак пакуль невядома, якая колькасць яе прыхільнікаў змагла ўвайсці ў склад камісій.

Нагадаем, большую частку заявак у склад УВК падалі прадстаўнікі грамадскіх аб'яднанняў, сярод іх лідары - Федэрацыя прафсаюзаў, БРСМ, "Белая Русь" і Беларускі саюз жанчын (БСЖ).

Адначасова тэрытарыяльныя выбарчыя камісіі працягваюць праверку подпісаў выбаршчыкаў, якія паступілі ад штабоў прэтэндэнтаў у прэзідэнты. Завершацца праверкі да 30 чэрвеня - тады і стане вядома, у каго з сямі палітыкаў, якія падалі подпісы, ёсць дастатковая іх колькасць. Рэгістрацыя жа кандыдатаў адбудзецца да 14 ліпеня.

Выбары прэзідэнта пройдуць у Беларусі 9 жніўня.

Тэмы:
Выбары прэзідэнта Беларусі - 2020 (217)
Тэги:
Беларусь, Выбары

Галоўныя тэмы