00:41 28 кастрычніка 2020
«Радыё Sputnik»
  • USD2.55
  • EUR3.02
  • 100 RUB3.34
Палітыка
Атрымаць кароткую спасылку
Выбары прэзідэнта Беларусі - 2020 (217)
810

Да чацвярга, 16 ліпеня, спісы давераных асоб зацверджаны для чатырох кандыдатаў, не падала свой пералік толькі Ганна Канапацкая.

Кожны кандыдат у прэзідэнты Беларусі мае права выбіраць да 30 давераных асоб: ад яго імя яны могуць праводзіць агітацыйныя мерапрыемствы, мець зносіны з патэнцыяльнымі выбаршчыкамі і ў цэлым прадстаўляць свайго прэтэндэнта. Важна адзначыць, што спісы давераных асоб магчыма мяняць аж да выбараў 9 жніўня.

На чацвер, 16 ліпеня Цэнтрвыбаркам Беларусі прыняў пастановы аб вызначэнні пераліку давераных асоб для чатырох кандыдатаў: Аляксандра Лукашэнкі, Святланы Ціханоўскай, Андрэя Дзмітрыева і Сяргея Чарэчня. Спіс Ганны Канапацкой пакуль не пададзены.

Sputik вывучыў, хто з цікавых асоб увайшоў у спісы давераных асоб.

Ад хірургаў да спевакоў: давераныя асобы Лукашэнкі

У спісе давераных асоб дзеючага прэзідэнта - выключна медыйныя асобы і топ-чыноўнікі.

Так, увайшлі ў яго спікеры абедзвюх палат парламента Уладзімір Андрэйчанка і Наталля Качанава, тэлежурналіст Андрэй Крывашэеў, спявачка Юлія Быкава, дэпутат Алег Гайдукевіч, хірург-трансплантолаг Алег Румо і намміністра аховы здароўя Алена Богдан.

Таксама ў спісе значацца кіраўнік БРСМ Дзмітрый Варанюк, мэр Брэста Аляксандр Рагачук, кіраўнік Беллегпрама Таццяна Лугіна, кіраўнік ПВТ Усевалад Янчэўскі і іншыя вядомыя дзеячы.

Дасведчаныя кандыдаты і "ветэраны" кампаніяў: хто ўвайшоў у спіс Дзмітрыева

У спісе сустаршыні "Гавары праўду" Андрэя Дзмітрыева самай вядомай з'яўляецца яго калега Таццяна Караткевіч, якая вылучалася на выбарах у 2015 годзе і заняла па выніках галасавання другое месца.

Акрамя таго, ёсць у пераліку Сяргей Вазняк - для яго гэта пятая кампанія, на якой ён выступае чыёй-небудзь даверанай асобай. Ёсць тут таксама фітнес-трэнер Наталля Наважылава і публіцыст Ігар Драко.

З поўным пералікам давераных асоб Дзмітрыева можна азнаёміцца ў пастанове.

Рэжысёры і палітыкі: спіс Ціханоўскай

У спісе давераных асоб Святланы Ціханоўскай, вядома ж, ёсць яе муж - блогер Сяргей Ціханоўскі. Ён, як і яшчэ адзін член пераліку, палітык Мікалай Статкевіч, цяпер знаходзіцца ў СІЗА.

Таксама ў спісе - лідар Аб'яднанай грамадзянскай партыі Мікалай Казлоў, рэжысёр-дакументаліст Юры Хашчавацкі, былы ўдзельнік руху "Зубр" Павел Юхневіч і шэраг апазіцыйных актывістаў.

Іншыя давераныя асобы Ціханоўскай не так вядомыя.

Першыя асобы і тэлевядучыя: давераныя асобы Чарэчня

У спісе давераных асоб лідара партыі "Грамада" Сяргея Чарэчня першым нумарам ідзе экс-старшыня Вярхоўнага савета, першы кіраўнік суверэннай Беларусі Станіслаў Шушкевіч.

Таксама сярод давераных асоб - тэлевядучы Дзмітрый Урангель, культуролаг Вадзім Мажэйка і галоўны рэдактар "БелГазеты" Кірыл Жываловіч.

Іншыя ўдзельнікі спісу Чарэчня - актывісты і члены яго штаба - публіцы не так вядомыя.

Тэмы:
Выбары прэзідэнта Беларусі - 2020 (217)
Тэги:
Беларусь, Выбары

Галоўныя тэмы