20:43 18 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Палітыка
Атрымаць кароткую спасылку
2011

На думку членаў КС, прэзідэнт Аляксандр Лукашэнка паспяшаўся прызначыць новы ўрад, хоць упаўнаважаны быў зрабіць гэта толькі пасля афіцыйнай цырымоніі інаўгурацыі, якая пройдзе ў кастрычніку.

МІНСК, 26 жні - Sputnik. Каардынацыйны савет сумняваецца ў правамернасці прызначэння новага ўрада прэзідэнтам Беларусі Аляксандрам Лукашэнкам, пра гэта заявіла член прэзідыума КС Марыя Калеснікава ў сваім відэазвароце.

У прыватнасці, сумненні выклікае само прызначэнне членаў Савета міністраў, якія сышлі ў адстаўку пасля выбараў прэзідэнта, але былі праз некалькі дзён зноў прызначаныя на свае пасады ў тым жа складзе дзеючым кіраўніком дзяржавы.

"Толькі пасля інаўгурацыі зноў абраны прэзыдэнт упаўнаважаны прызначыць новы ўрад. Інаўгурацыя павінна быць праведзена да 9 кастрычніка, аднак ужо 19 жніўня прэзідэнт прызначыў новы ўрад. Да правядзення цырымоніі інаўгурацыі ўрад не мог быць прызначаны", - падкрэсліла Калеснікава.

Член прэзідыума КС таксама адзначыла, прэм'ер-міністра краіны прэзідэнт можа прызначыць толькі са згоды Палаты прадстаўнікоў. Такі механізм прапісаны ў Канстытуцыі рэспублікі, але ён быў праігнараваны.

"Гэта азначае, што пасля інаўгурацыі варта таксама атрымаць згоду Палаты прадстаўнікоў, і толькі пасля гэтага можа быць сфарміраваны склад новага ўрада. На бягучы момант новы ўрад прызначаны прэзідэнтам з парушэннем заканадаўства. Статус ўрада спрэчны", - рэзюмавала Марыя Калеснікава.
Каардынацыйны савет быў створаны па ініцыятыве Ціханоўскай. Генеральная пракуратура Беларусі распачала крымінальную справу па факце яго стварэння - пракуроры лічаць, што дзейнасць гэтага органа накіравана на захоп дзяржаўнай улады, а таксама на прычыненне шкоды нацыянальнай бяспецы Беларусі. Расследаваннем гэтай справы займаецца Следчы камітэт.

Выбары прэзідэнта Беларусі прайшлі 9 жніўня. Паводле звестак Цэнтрвыбаркама, перамог Аляксандр Лукашэнка, на другім месцы апынулася кандыдат у прэзідэнты Святлана Ціханоўская.

Нязгодныя з вынікамі выбараў людзі з вечара 9 жніўня штодня выходзяць на вуліцы гарадоў. За час пратэстаў у Беларусі было затрымана каля сямі тысяч пратэстоўцаў, у бальніцах апынуліся сотні чалавек. Па апошніх дадзеных, ахвярамі сталі тры чалавекі.

Тэги:
Апазіцыя, Беларусь, Аляксандр Лукашэнка

Галоўныя тэмы