Еўрасаюз узгодніць новы пакет санкцый па Беларусі

© Sputnik / Алексей Витвицкий / Перайсці ў медыябанкСцягі з сімволікай Еўрасаюза
Сцягі з сімволікай Еўрасаюза - Sputnik Беларусь
Падпісацца
Паводле папярэдняй інфармацыі, у новы санкцыйны спіс увойдзе прэзідэнт рэспублікі Аляксандр Лукашэнка - гэта рашэнне ўзгаднілі яшчэ на пачатку кастрычніка.

МІНСК, 4 ліс - Sputnik. Пастаянныя прадстаўнікі краін-членаў Еўрапейскага саюза могуць узгадніць новыя санкцыі па Беларусі на пасяджэнні камітэта (COREPER) у сераду, пра гэта паведамляецца ў апублікаваным парадку сустрэчы.

Кандыдат у прэзідэнты ЗША ад дэмакратаў Джо Байдэн - Sputnik Беларусь
Байдэн выступіў за пашырэнне санкцый супраць акружэння Лукашэнкі

Рашэнне па пашырэнні санкцыйнага спісу, што датычыцца Беларусі, плануюць прыняць без дадатковага абмеркавання. Пасля ўзгаднення дэталяў пастаянныя прадстаўнікі ЕС запусцяць тэхнічны працэс афіцыйнага зацвярджэння новых санкцый еўрапейскімі сталіцамі. У выпадку, калі ўсе 27 краін-удзельніц Еўрасаюза пагодзяцца са спісам, абмежаванні ўступяць у сілу пасля іх апублікавання ў афіцыйным часопісе ЕС. Паводле папярэдняй інфармацыі, гэта можа адбыцца ўжо 6 лістапада.

Пашырыць санкцыйных спіс па Беларусі кіраўнікі МЗС Еўрасаюза прынялі яшчэ 12 кастрычніка. Тады ж пацвердзілі гатоўнасць уключыць у яго Прэзідэнта РБ Аляксандра Лукашэнку. З таго моманту вялася праца па складанні і ўзгадненні новага спісу. На днях інфармаваныя крыніцы паведамлялі, што ў новы спіс увойдуць 15 фігурантаў.

Накладанне санкцыі прадугледжвае замарожванне актываў чыноўнікаў з спісу ў краінах Еўрасаюза, а таксама забарону на перасячэнне мяжы ЕС.

Дзейсныя санкцыі

Вагон грузавога цягніка на чыгунцы, архіўнае фота - Sputnik Беларусь
У Кітаі занепакоеныя, што санкцыі ЕС супраць Мінска пагражаюць чыгуначным перавозкам
Выбары прэзідэнта прайшлі ў Беларусі 9 жніўня. Па дадзеных ЦВК, Аляксандр Лукашэнка набраў больш за 80% галасоў выбаршчыкаў, на другім месцы апынулася Святлана Ціханоўская, якая набрала крыху больш за 10% галасоў. У дзень выбараў у краіне пачаліся акцыі пратэсту нязгодных з вынікамі, якія доўжацца да гэтага часу. Пратэстоўцаў з ужываннем сілы не раз разганялі сілавікі.

Краіны Еўропы асудзілі дзеянні беларускіх уладаў і неаднаразова заяўлялі, што не прызнаюць вынікі прэзідэнцкіх выбараў у Беларусі. На пачатку кастрычніка Еўрасаюз ва ўласным афіцыйным часопісе апублікаваў спіс з 44 беларускіх чыноўнікаў, супраць якіх уведзеныя персанальныя санкцыі. У яго, у прыватнасці, увайшлі кіраўнік МУС Юрый Караеў і старшыня ЦВК Лідзія Ярмошына. Сам прэзідэнт Беларусі Аляксандр Лукашэнка ў дадзены спіс не быў уключаны.

Пазней стала вядома, што Еўрасаюз рыхтуецца ўвесці санкцыі супраць прэзідэнта Беларусі, калі сітуацыя ў рэспубліцы не зменіцца.

Стужка навiн
0