11:15 04 снежня 2020
«Радыё Sputnik»
  • USD2.59
  • EUR3.13
  • 100 RUB3.44
Палітыка
Атрымаць кароткую спасылку
2210

Раней Еўрапейскі банк рэканструкцыі і развіцця і Еўрапейскі інвестыцыйны банк прынялі рашэнне замарозіць праграмы супрацоўніцтва з Беларуссю.

МІНСК, 18 ліс - Sputnik. Беларусь не будзе весці дыялог з Еўрасаюзам па тэматыцы правоў чалавека да аднаўлення Еўрапейскім банкам рэканструкцыі і развіцця і Еўрапейскім інвестыцыйным банкам праграм па супрацоўніцтве з рэспублікай, заявіў міністр замежных спраў Уладзімір Макей у эфіры "Беларусь 1".

"Мы не бачым сэнсу далей працягваць з ЕС дыялог па правах чалавека. Мы прыпыняем гэты дыялог да таго часу, пакуль ЕС не прыме рашэнне аб змене палітыкі Еўрапейскага банка рэканструкцыі і развіцця і Еўрапейскага інвестыцыйнага банка, якія на дадзеным этапе прынялі рашэнне замарозіць праграмы супрацоўніцтва з Беларуссю", - адзначыў Макей.

Міністр дадаў, што крытыка ЕС і іншых структур па пытаннях правоў чалавека і дэмакратыі ў адрас Беларусі з'яўляецца штучна палітызаванай.
"Мы бачым гэта на прыкладзе таго ж Савета па правах чалавека ААН і шэрагу іншых арганізацый", - заявіў ён.

Кіраўнік МЗС падкрэсліў, што Мінск гатовы адказваць на "дэструктыўныя крокі" ў свой адрас.

"У нас ёсць дастатковы набор сродкаў, якія дазволяць нам адэкватна адрэагаваць на магчымыя эканамічныя рэстрыктыўныя меры ў дачыненні да Беларусі. Гэта - і мэтазгоднасць, перспектыва нашага супрацоўніцтва з Еўрапейскай камісіяй і Еўрапейскім саюзам па пытаннях атамнай энергетыкі, па агульнай барацьбе з нелегальнай міграцыяй, з трансгранічнай злачыннасцю, з кантрабандай наркотыкаў і гэтак далей", - растлумачыў Макей.

Акрамя таго, адзначыў міністр, ідзе праца "над дакументам у мытнай сферы, дзе маецца шэраг адчувальных пытанняў".

"Мы паглядзім на шэраг праграм у гуманітарнай сферы, якія рэалізуюцца тут замежнымі дзяржавамі і няўрадавымі арганізацыямі, на шэраг адукацыйных праграм", - працягнуў кіраўнік МЗС.

Пры гэтым Уладзімір Макей адзначыў, што Мінску "не хацелася б звяртацца да гэтага".

"Спадзяюся, што здаровы сэнс пераможа, і ні ў кога не з'явіцца жаданне выбудоўваць новыя берлінскія сцены ў дадзенай сітуацыі", - падкрэсліў ён.

Дзеянні ў адказ

У аўторак, 17 лістапада, на нарадзе ў прэзідэнта Беларусі Аляксандра Лукашэнкі кіраўнік знешнепалітычнага ведамства краіны паабяцаў прыняць дзеянні ў адказ, калі Еўрапейскі саюз пашырыць санкцыі ў дачыненні да рэспублікі. Кіраўнік МЗС запэўніў, што ініцыятывы, якія магчыма распачнуць ў ЕС, "не застануцца без адказу".

"Рэакцыя будзе сапраўды адэкватнай і вельмі адчувальнай для нашых еўрапейскіх партнёраў" - растлумачыў Макей.
Раней Еўрапейскі саюз увёў пакет індывідуальных санкцый па Беларусі, уключаючы Аляксандра Лукашэнку, а пазней заявіў пра гатоўнасць яго пашырыць.

Масавыя пратэстныя акцыі пачаліся ў Беларусі 9 жніўня пасля выбараў прэзідэнта, на якіх, паводле звестак ЦВК, перамог Лукашэнка, які набраў, пададзеным ЦВК, 80,1% галасоў. Пры разгонах акцыяў у дачыненні да пратэстоўцаў, якія не згодны з вынікамі галасавання, сілавікі выкарыстоўвалі слезатачывы газ, вадамёты, светлашумавыя гранаты, гумовыя кулі. Улады афіцыйна пацвердзілі гібель траіх пратэстоўцаў. Акцыі пратэсту працягваюцца да гэтага часу, найбольш маштабныя - па нядзелях.

Тэги:
Еўрасаюз, Беларусь, Уладзімір Макей

Галоўныя тэмы