Сяргей Лаўроў прыляціць з рабочым візітам у Мінск 25-26 лістапада

© Sputnik / Виктор ТолочкоКіраўнік МЗС РФ Сяргей Лаўроў у Мінску
Кіраўнік МЗС РФ Сяргей Лаўроў у Мінску - Sputnik Беларусь
Падпісацца
Чакаецца, што кіраўнік расійскага знешнепалітычнага ведамства сустрэнецца з прэзідэнтам Беларусі і кіраўніком беларускага МЗС.

МІНСК, 19 ліс - Sputnik. Кіраўнік МЗС РФ Сяргей Лаўроў прыляціць з рабочым візітам у Мінск 25-26 лістапада, паведаміла афіцыйны прадстаўнік расійскага знешнепалітычнага ведамства Марыя Захарава.

Сяргей Лаўроў - Sputnik Беларусь
Лаўроў: ніхто не павінен умешвацца ў канстытуцыйную рэформу ў Беларусі

Запланавана сустрэча кіраўніка расійскага МЗС з прэзідэнтам Беларусі Аляксандрам Лукашэнкам і яго беларускім калегам Уладзімірам Макеем.

Плануецца абмеркаваць сітуацыю ў Беларусі і ключавыя пытанні двухбаковага і міжнароднага парадку дня, удакладніла афіцыйны прадстаўнік МЗС РФ.

На 26 лістапада запланавана сумеснае пасяджэнне калегіі знешнепалітычных ведамстваў: на ім будзе разгледжаны "ход выканання праграмы ўзгодненых дзеянняў у галіне знешняй палітыкі Саюзнай дзяржавы на 2020-2021 гады", удакладніла Марыя Захарава.

Папярэдняе сумеснае пасяджэнне калегій МЗС Расіі і Беларусі адбылося ў лістападзе 2019 года ў Маскве. Тады ўдзельнікі сустрэчы разгледзелі актуальныя пытанні двухбаковага супрацоўніцтва, праблематыку міжнароднай і рэгіянальнай бяспекі ў кантэксце 20-годдзя з моманту падпісання дамовы аб стварэнні Саюзнай дзяржавы. Цяперашняе пераносілася з-за каронавіруса: на самаізаляцыю сыходзілі абодва міністры. Спачатку COVID-19 выявілі ў жонкі Уладзіміра Макея, затым на самаізаляцыю з-за кантакту з хворым на сышоў Сяргей Лаўроў.

Чытайце таксама:

Стужка навiн
0