МІНСК, 11 сак – Sputnik. Старшыня Канстытуцыйнага суда Беларусі Пётр Міклашэвіч назваў кірункі магчымага абнаўлення Асноўнага закона краіны.
Маштабнае абмеркаванне змен у Канстытуцыю прайшло ў рамках Усебеларускага народнага сходу. Па словах Міклашэвіча, плануецца, што на канстытуцыйным узроўні будзе замацаваны статус Усебеларускага народнага сходу як вышэйшага прадстаўнічага органа народаўладдзя, які валодае пэўнымі ўладнымі паўнамоцтвамі.
"У цяперашні час найважнейшай задачай з'яўляецца фарміраванне грамадскай правасвядомасці і прававой культуры, павага да Асноўнага Закона нашай краіны, тых каштоўнасцей, якія закладзены ў Канстытуцыі", - заявіў Міклашэвіч журналістам.
Акрамя гэтага, адзначыў Міклашэвіч, у Канстытуцыі будуць удакладнены паўнамоцтвы, функцыі, канстытуцыйная адказнасць вышэйшых дзяржаўных органаў, іх самастойнасць, а таксама ўзаемадзеянне.
Плануецца замацаваць у Канстытуцыі і асновы выбарчай сістэмы партыйнага будаўніцтва, і новыя гарантыі сацыяльна-эканамічных правоў грамадзян.
Міклашэвіч паведаміў, што ў бліжэйшы час будзе сфарміравана канстытуцыйная камісія. Яна разгледзіць прапановы грамадзян, ёю будзе вырашацца пытанне аб магчымым уключэнні тых ці іншых прапаноў у абноўленую Канстытуцыю.
Чытайце таксама:
- Праект новай Канстытуцыі будзе гатовы ў гэтым годзе, рэферэндум - у пачатку 2022-га
- Чупрыс: прэзідэнту паклалі на стол некалькі варыянтаў новай Канстытуцыі
- Лукашэнка расказаў, калі будзе гатовы праект новай Канстытуцыі
