МІНСК, 20 кра – Sputnik. Пасол ЗША у Расіі Джон Саліван на гэтым тыдні з'едзе на радзіму, але затым вернецца назад ў Маскву, паведаміла выданне Axios са спасылкай на Дзярждэпартамэнт ЗША.
Сітуацыя з паслом ЗША у Расіі
"Пасол Саліван вернецца ў ЗША, каб праведаць сваю сям'ю і сустрэцца з членамі новай адміністрацыі, з якімі ў яго не было магчымасці пракансультавацца з тых часоў, як ён пагадзіўся працягваць службу на сваёй пасадзе", - цытуе амерыканскае выданне сваю крыніцу ў Дзярждэпе.
Усё пачалося з заявы Сяргея Лаўрова 16 красавіка аб тым, што расійскі бок рэкамендаваў паслу Салівану "паехаць у сваю сталіцу і правесці там падрабязныя, сур'ёзныя кансультацыі".
Першапачаткова Саліван адмовіўся пакідаць РФ, паведамілі амерыканскія СМІ. Пазней іх крыніцы ў Дзярждэпе адзначылі: калі ў Маскве хочуць, каб Саліван з'ехаў, "яго прыйдзецца прымусіць".
Сітуацыя з паслом Расіі ў ЗША
Пасол знаходзіцца ў Маскве з 21 сакавіка, ён ужо правёў некалькі сустрэч, у тым ліку ў МЗС РФ і Дзярждуме. Як адзначаў Антонаў на сумесным пасяджэнні міжнароднага і абароннага камітэтаў Савета Федэрацыі, адносіны паміж Расіяй і ЗША "знаходзяцца ў вельмі глыбокім крызісе".
На думку Антонава, адміністрацыя прэзідэнта Джо Байдэна ўзяла курс "на працяг раскручвання санкцыйнай спіралі" супраць Расіі, і з-за гэтага Масква не адчувае аптымізму адносна будучыні двухбаковага дыялогу.
Антонаў падкрэсліў, што добрыя і прагматычныя адносіны выгадны абодвум бакам, але Масква "не будзе бегаць" за ЗША у гэтым пытанні.
Калі прыедзе пасол ЗША у Беларусь?
Джулі Фішэр была прыведзена да прысягі ў якасці амерыканскага пасла ў Беларусі ў снежні 2020-га, але да гэтага часу не даехала да Мінска.
У нядаўнім інтэрв'ю Нацыянальнаму грамадскаму радыё Амерыкі Фішэр тлумачыла, што не можа трапіць у Беларусь з-за адсутнасці візы. Паводле яе слоў, у бліжэйшы час у яе намечаны перамовы ў Варшаве і Вільні з саюзнікамі, якія падзяляюць заклапочанасць ЗША па сітуацыі ў Беларусі.
Нагадаем, двухбаковыя адносіны паміж Беларуссю і ЗША абвастрыліся ў 2008 годзе. Пасля пашырэння санкцый у дачыненні да Беларусі з Вашынгтона быў адкліканы беларускі пасол Міхаіл Хвастоў. Пасол ЗША Карэн Сцюарт у адказ таксама была вымушана пакінуць рэспубліку. З тых часоў пасольствы узначальвалі часовыя павераныя.
Чытайце таксама:
- Пасол Расіі ў ЗША адкліканы ў Маскву для кансультацый
- Як Расія жадае выбудоўваць адносіны з ЗША, распавялі ў МЗС РФ
- ЗША і Расія абмяняліся інфармацыяй аб ядзерных арсеналах
