02:15 15 мая 2021
«Радыё Sputnik»
  • USD2.53
  • EUR3.06
  • 100 RUB3.41
Палітыка
Атрымаць кароткую спасылку
Саюзная дзяржава Беларусі і Расіі (158)
24 0 0

Пасол Беларусі ў Расіі Уладзімір Сямашка здзяйсняе ў аўторак візіт у расійскі горад Екацярынбург. Падрабязнасці чытайце ў матэрыяле Sputnik.

МІНСК, 27 кра – Sputnik. Падчас падыходу да журналістаў беларускі пасол закрануў тэму дарожных карт па інтэграцыі, раней прэзідэнт Беларусі Аляксандр Лукашэнка паведаміў, што іх засталося падпісаць толькі дзве. Пасол паведаміў, што тэрміны іх падпісання могуць трохі ссунуцца.

"Я раней меркаваў, што і ў траўні могуць быць падпісаны астатнія дзве карты. Зараз бачу, што ссоўванне можа адбыцца на верасень-кастрычнік", - сказаў Сямашка.

Паводле яго слоў, падчас сустрэчы Пуціна і Лукашэнкі на мінулым тыдні было канстатавана, што з 28 карт гатовыя да падпісання ўжо 26.

"Гэта тэма будзе абмяркоўвацца і на ўзроўні прэм'ер-міністра, і заўтра. У канцы чэрвеня будзе аб'яднаны форум Расіі і Беларусі, потым будзе пасяджэнне ўрада Саюзнай дзяржавы ў ліпені-жніўні", - адзначыў пасол.

Візіт Лукашэнкі ў Маскву на Парад 9 траўня

Таксама ён пракаментаваў інфармацыю аб магчымым візіце Аляксандра Лукашэнкі ў Маскву на Парад 9 Мая. Паводле слоў пасла, рашэнне будзе прынята ў бліжэйшы час.

"Калі будзе парад у Беларусі, то прэзідэнт нашай краіны застанецца ў Мінску", - сказаў Сямашка.

У парадзе на Краснай плошчы ў Маскве 9 траўня ў гонар 76-й гадавіны Перамогі ў Вялікай Айчыннай вайне, як чакаецца, будуць удзельнічаць больш за 12,5 тысяч чалавек, а таксама звыш 190 адзінак узбраення і ваеннай тэхнікі, 76 самалётаў і верталётаў.

Вытворчасць вакцыны

Таксама Сямашка пракаментаваў ход вытворчасці расійскай вакцыны "Спутник V" у Беларусі.

"Тыя прадпрыемствы, якія вызначаны для вытворчасці, ім дадзена заданне стварыць магутнасці на 500 тысяч камплектаў у месяц. Гэта невялікая колькасць, але гэтага хапае, каб вырашыць праблему", - сказаў дыпламат.

Расійская вакцына ад каронавіруса "Спутник V" ухвалена ўжо ў 60 краінах з агульным насельніцтвам каля трох мільярдаў чалавек. Прэпарат займае другое месца ў свеце па колькасці атрыманых адабрэнняў дзяржаўнымі рэгулятарамі. Эфектыўнасць вакцыны склала 97,6% па выніках аналізу дадзеных 3,8 мільёна вакцынаваных расіян.

Чытайце таксама:

Тэмы:
Саюзная дзяржава Беларусі і Расіі (158)
Тэги:
Екацерынбург, Расія, Беларусь, пасол, Масква, Аляксандр Лукашэнка, візіт, вакцына, вытворчасць, дарожныя карты, карты, Уладзімір Сямашка

Галоўныя тэмы