МІНСК, 28 кра – Sputnik. Расія ў якасці меры ў адказ высылае дыпламатаў Латвіі, Літвы, Эстоніі і Славакіі, заявілі ў МЗС РФ.
Раней міністэрства замежных спраў прыбалтыйскіх краін, а таксама Славакіі ў знак салідарнасці з Чэхіяй абвясцілі аб высылцы супрацоўнікаў пасольстваў Расіі. У прыватнасці, з Літвы высылаюць дваіх расійскіх дыпламатаў, з Латвіі і Эстоніі па адным, са Славакіі траіх.
Сёння ў МЗС Расіі былі выкліканы паслы гэтых краін. Кіраўнікам дыпмісій быў заяўлены рашучы пратэст у сувязі з правакацыйнымі, нічым не абгрунтаванымі дзеяннямі па высылцы супрацоўнікаў расійскіх пасольстваў.
"Пазначана, што Вільнюс, Рыга і Талін працягваюць праводзіць адкрыта варожы курс у адносінах да нашай краіны, прыкрываючыся ў дадзеным выпадку псеўдасалідарнасцю з агульнымі дзеяннямі Чэхіі ў дачыненні да Расіі", - заявілі ў МЗС.
"Засноўваючыся на прынцыпе ўзаемнасці, запатрабавалі, каб два супрацоўнікі пасольства Літвы, а таксама па адным супрацоўніку пасольстваў Латвіі і Эстоніі пакінулі тэрыторыю Расійскай Федэрацыі ў сямідзённы тэрмін", - праінфармавалі ў знешнепалітычным ведамстве РФ.
У якасці меры ў адказ на дзеянні Браціславы тры супрацоўнікі славацкага пасольства ў Маскве абвешчаны persona non grata. Такім чынам, дыпламаты да 5 траўня павінны пакінуць Расію.
Чытайце таксама:
- МЗС РФ патлумачыла высылку дыпламатаў з Чэхіі раскрыццём змовы ў Беларусі
-
Палітыка Захаду ў дачыненні да Расіі: рух усё ў той жа каляіне
-
Дыпскандал паміж Расіяй і Чэхіяй: прычым тут ЗША
-
Люстраныя меры: Расія вышле пяцярых польскіх дыпламатаў
- Захарава: Расія ўнесла ЗША у спісак недружалюбных дзяржаў
- Сяргей Лаўроў: не хочам агульна запісваць краіны ў недружалюбныя
