05:19 26 красавіка 2017
«Радыё Sputnik»
Удзельнікі прэс-канферэнцыі, прысвечанай выставе Мастак і горад

Выстава "Мастак і горад" пройдзе ў Мінску ў шосты раз

© Sputnik / Александр Шурмелев
Афiша
Атрымаць кароткую спасылку
3240

Пад час адкрыцця выставы пройдзе бясплатная лекцыя пра мастацтва і экскурсія па экспазіцыі ад мастацтвазнаўцы Мікіты Моніча.

МІНСК, 20 кра — Sputnik. Выстава "Мастак і горад" на плошчы Якуба Коласа пройдзе ў Мінску з 27 красавіка па 9 верасня 2017 года. Сучаснае беларускае мастацтва будзе радаваць мінчан і турыстаў напрацягу чатырох месяцаў.

Паводле словаў арганізатараў, у гэтым годзе выстава пазнаёміць наведвальнікаў з 35 беларускімі мастакамі. Яна задумана як своеасаблівы зрэз сучаснага беларускага мастацтва. Сярод аўтараў народныя і заслужаныя мастакі Беларусі: Леанід Хобатаў, Уладзімір Савіч, Анатоль Бараноўскі, Зоя Літвінава, Уладзімір Зінкевіч і многія іншыя.

"Дадзены праект стаў удалым прыкладам прыватна-дзяржаўнага партнерства і аздаблення горада. Мы арганізоўваем выставу па-сапраўднаму залатой калекцыі нашага жывапісу. Гэта той фундамент, на якім зараз базуецца сучаснае мастацтва", — адзначыла галоўны спецыяліст галоўнага ўпраўлення ідэалагічнай работы Мінгарвыканкама Марына Ясюк.

Адзін з удзельнікаў выставы — мастак Леанід Хобатаў падкрэсліў, што "зараз беларускае мастацтва не знаходзіцца ў ролі даганяючага. Мы смела можам казаць, што беларускае мастацтва — гэта не правінцыя. Гэта самостойная з'ява, якой патрэбна даць магчымасць выхаду на агульнаеўрапейскі культурны прастор".

"Гэты праект цікавы людзям і кожны раз атрымоўваецца розным. Раней ён задумваўся як выстава аднаго мастака. Потым мы зразумелі, што трэба паказваць проста беларускіх мастакоў, якіх ведае абмежаваны круг людзей. Такім чынам у нашым праекце з'явіліся сучасныя беларускія мастакі", — распавяла гендырэктар Нацыянальнага цэнтра сучасных мастацтваў Наталля Шаранговіч.

Па яе словах, на плошчу Якуба Коласа будуць вынесены тыя мастакі, якія з'яўляюцца залатым фондам беларускага мастацтва. Беларускае мастацтва вельмі цікавае і заўсёды знойдзе свайго гледача.

Выстава Мастак і горад
© Sputnik / Александр Шурмелев
Выстава "Мастак і горад"

Арганізатары выставы адзначылі, што згодна з дадзенымі, якія прадставілі ім у МУС, штодзённа праз плошчу Якуба Коласа праходзіць каля 30 тысяч чалавек. Такім чынам нескладана падлічыць, што за чатыры месяца з выставай "Мастак і горад" пазнаёміцца каля 2 мільёнаў чалавек.

Пад час адкрыцця выставы 27 красавіка пройдзе бясплатная лекцыя пра мастацтва і экскурсія па экспазіцыі ад мастацтвазнаўцы Мікіты Моніча.

Тэги:
выстава, мастацтва, мастакі, Выяўленчае мастацтва, Нацыянальны цэнтр сучаснага мастацтва, Мінск
Правілы карыстанняКаментары

Галоўныя тэмы

  • Драўляны бажок у Беларускім дзяржаўным музеі народнай архітэктуры

    Акурат напярэдадні Праводнай нядзелі 22 красавіка ў музеі-скансэне з гульнямі і танцамі працягвалі вадзіць веснавыя карагоды. Гэтым разам прыняць удзел у свяце прыехалі калектывы з розных куткоў Беларусі, мінчане і госці сталіцы.

    27
  • Радаўніца ў вёсцы Пліса Барысаўскага раёна Мінскай вобласці, 1955 год.

    Не ведаю як вам, а мне дык заўсёды радасна і цёпла на сэрцы ад думкі што ёсць такі дзень у пачатку года, калі я іду на могілкі, каб сустрэцца з блізкімі, якіх больш няма і прынесці ім радасную вестку, што Хрыстос уваскрос!

    251
  • Арка над аб'ектам Сховішча (чацвёрты энергаблок) Чарнобыльскай атамнай электрастанцыі

    Беларускі лідар наведае станцыю разам з прэзідэнтам Украіны Пятром Парашэнкам.

    7