МІНСК, 7 чэр — Sputnik. Вядомыя кінакарціны плануюць паказваць у Мінску летам на вялікім экране ў Верхнім горадзе, паведамілі ў Мінгарвыканкаме.
"Верхні горад сёння асацыюецца ў мінчанаў з джазавымі вечарамі і святамі нацыянальных культур. У мінулыя выхадныя гараджане змаглі пабываць на Дні Швецыі. У суботу, 10 чэрвеня, на свой фэст запрашае Расія", — распавёў намеснік старшыні Мінгарвыканкама Ігар Юркевіч.
Паводле яго слоў, дадзеная культурная пляцоўка стане месцам правядзення і іншых мерапрыемстваў.
"У прыватнасці, думаем над тым, каб у летні перыяд зладзіць пад адкрытым небам рэтраспектыву вядомых фільмаў. Задача складаецца ў тым, каб у старыя аб'екты горада удыхнуць новае жыццё, зрабіць іх месцам прыцягнення для жыхароў і гасцей сталіцы", — рэзюмаваў Ігар Юркевіч.
