12:36 21 жніўня 2019
«Радыё Sputnik»
  • USD2.06
  • EUR2.28
  • 100 RUB3.09
Музей гісторыі тэатральнай і музычнай культуры

Масонскія знакі можна будзе пабачыць у Мінску

© Photo: Facebook / Музей гісторыі тэатральнай і музычнай культуры
Афiша
Атрымаць кароткую спасылку
6220

Многія выбітныя сусветна вядомыя дзеячы-масоны ў розныя часы наведвалі "Дом масонаў" - Станіслаў Манюшка, Чэслаў Манюшка, Томаш Зан, Валенцій Ваньковіч.

МІНСК, 25 вер — Sputnik. Музей гісторыі тэатральнай і музычнай культуры 4 кастрычніка ладзіць прэзентацыю новых экспанатаў, паведамілі Sputnik у прэс-службе Нацыянальнага гістарычнага музея Беларусі.

Фонды музея папоўніліся масонскімі фартухам, стужкай, шалікам, пальчаткамі, якія былі перададзены музею Паўлам Самусевым.

"Не выпадкова прэзентацыя прадметаў адбудзецца ў будынку музея па Музычным завулку, 5 за якім замацавалася назва "Дом масонаў". Праўда, сучасныя даследчыкі не выявілі дакументаў, якія б падцвярджалі, што менавіта тут адбываліся паседжанні ложы. У Мінску з 1816 па 1822 г. існавала масонская ложа "Паўночны факел", — распавялі ў музеі.

Многія выбітныя сусветна вядомыя дзеячы-масоны ў розныя часы наведвалі "Дом масонаў" — Станіслаў Манюшка, Чэслаў Манюшка, Томаш Зан, Валенцій Ваньковіч і інш.

"Наведвальнікі змогуць даведацца ў музеі пад час прэзентацыі пра гісторыю развіцця беларускага масонства ў ХІХ — ХХ стст., убачыць падараваныя прадметы, а таксама паслухаць Паўла Самусева аб гісторыі іх прыналежнасці", — рэзюмавалі арганізатары.

Тэги:
масоны, Дзяржаўны музей гісторыі тэатральнай і музычнай культуры, Мінск, Беларусь

Галоўныя тэмы