Радыё

На "Еўрабачанне" ў Кіеў едзе Naviband: каментарыі вядомых беларусаў

© Sputnik / Виктор ТолочкоПрадстаўнікамі Беларусі на "Еўрабачанні-2017", якое пройдзе ў Кіеве, з 9 па 13 траўня, назвалі гурт Naviband
Прадстаўнікамі Беларусі на Еўрабачанні-2017, якое пройдзе ў Кіеве, з 9 па 13 траўня, назвалі гурт Naviband - Sputnik Беларусь
Падпісацца
Дуэт Naviband перамог у фінале нацыянальнага адборачнага тура конкурсу "Еўрабачанне" і атрымаў права прадстаўляць Беларусь на міжнародным конкурсе ў траўні гэтага года ў Кіеве.
На "Евровидение" в Киев едет Naviband: комментарии известных белорусов

На радыё Sputnik Беларусь дуэт Naviband з перамогай павіншавалі прадстаўнікі беларускай музычнай індустрыі.

Народны артыст Беларусі Аляксандр Ціхановіч рады таму, што са сцэны міжнароднага конкурсу ўпершыню прагучыць беларускамоўная кампазіцыя.

Удзельнікі Naviband Арцём Лук'яненка і Ксенія Жук - Sputnik Беларусь
Naviband: хочацца паказаць сучасную Беларусь Еўропе

"Магчыма, яшчэ варта падумаць над самой песняй, над яе аранжыроўкай, над тым, што адбываецца на сцэне. Але песня на беларускай мове на "Еўрабачанні" — гэта падзея", — адзначыў народны артыст.

Кампазітар і аранжыроўшчык Яўген Алейнік упэўнены, што выкананне песні на беларускай мове — гэта адзін з элементаў прыцягнення ўвагі, і гэта павінна спрацаваць на вынік.

"Яны — малайцы, беларуская мова — гэта вельмі добрая фішка. Нашы выканаўцы часцяком грашаць не вельмі добрым англійскім вымаўленнем. У іх гэтай праблемы не будзе", — упэўнены кампазітар.

Яўген Алейнік пракаментаваў і правядзенне нацыянальнага адбору на конкурс у гэтым годзе. Паводле яго слоў, у цэлым, узровень быў моцным, але некаторыя выканаўцы з яго відавочна выбіваліся.

"У некаторых я здрыгануўся ад узроўня выканання. Мы сабраліся з музыкамі, і калі я не ведаў — хто гэта, мне падказвалі, што гэта сябры ці калегі арганізатараў конкурсу. Гэта панібрацтва трэба скончваць. Гэты рух павінен быць круглы год, і заявак павінны быць сотні", — канстатаваў кампазітар.

Вядомы музычны журналіст Алег Клімаў адзначыў, што перамога ў нацыянальным адборы конкурсу "Еўрабачанне" песні на роднай мове стала доўгачаканай падзеяй.

Група Navi на адборы на конкурс Еўрабачанне-2017 - Sputnik Беларусь
Navi Band: мова становіцца трэндам

"Гэтай падзеі чакалі і меламаны, чакалі і звычайныя людзі, якія не занадта цікавяцца конкурсам. Упершыню на сцэне "Еўрабачання" прагучыць беларускамоўная песня, і прадставяць яе таленавітыя, цікавыя музыкі, якія годна прадставяць нашу краіну", — упэўнены журналіст.

Каментарыі прадстаўнікоў беларускай музычнай індустрыі пра перамогу дуэта Naviband у фінале нацыянальнага адборачнага тура конкурсу "Еўрабачанне" слухайце на радыё Sputnik Беларусь.

Стужка навiн
0