Радыё

Вучоны: як узровень інтэлекту перадаецца ў спадчыну

© Photo : Facebook / Валерий ИльинскийДырэктар медыка-генетычнага цэнтра Genotek Расійскай Федэрацыі Валерый Ільінскі
Дырэктар медыка-генетычнага цэнтра Genotek Расійскай Федэрацыі Валерый Ільінскі - Sputnik Беларусь
Падпісацца
У дзень ведаў, 1 верасня, дырэктар медыка-генетычнага цэнтра Genotek Расійскай Федэрацыі Валерый Ільінскі распавёў Sputnik, як з дапамогай генетычнага тэсту вызначаецца атрыманы ад бацькоў узровень інтэлекту і ці можна яго павялічыць штучна, адрэдагаваўшы геном чалавека.
Ученый: как уровень интеллекта передается по наследству

Навукоўцам даўно вядома, што ўзровень інтэлекту або так званы IQ напрамую звязаны з генетыкай. Пэўныя генетычныя асаблівасці чалавека сур'ёзна ўплываюць на тое, каб яго ўзровень IQ быў вышэй, чым у іншых людзей. Але акрамя генетыкі, за ўзровень IQ адказваюць яшчэ і знешнія фактары — выхаванне і адукацыя.

"Цяпер, зрабіўшы генетычны тэст, можна даведацца аб схільнасці, больш высокім або нізкім узроўні IQ. Але з іншага боку, зараз навукоўцы працуюць над тым, каб навучыцца рэдагаваць геном. Пакуль гэта ўсё асобныя эксперыменты, якія рэдка прыводзяць да сур'ёзнага поспеху. Да масавага рэдагавання геному пройдзе яшчэ як мінімум гадоў 10", — сказаў Ільінскі на радыё Sputnik.

Доктар біялагічных навук, загадчык лабараторыі нейрафізіялогіі біялагічнага факультэта МДУ Аляксандр Каплан. - Sputnik Беларусь
Радыё
Ці можна паразумнець, разгадваючы крыжаванкі: меркаванне нейролага

Пры гэтым асноўны фокус такіх эксперыментаў накіраваны на лячэнне розных захворванняў, пакуль ніхто не задумваецца пра тое, каб рэдагаваць геном з нейкімі немедыцынскімі мэтамі, адзначыў суразмоўца.

"Нашы генетычныя маркеры атрымліваюцца ў спадчыну і па бацькоўскай, і па матчынай лініі. Узровень інтэлекту залежыць ад абодвух бацькоў, таму што маркеры, адказныя за ўзровень IQ, размяшчаюцца на тых нашых храмасомах, якія мы можам атрымліваць ад абодвух бацькоў", — распавёў Ільінскі.

У той жа час рэальны ўзровень IQ чалавека не заўсёды роўны таму ўзроўню, які закладзены быў генетычна, паколькі нельга здымаць з рахункаў яго выхаванне і адукацыю, рэзюмаваў спецыяліст.

Каментар дырэктара медыка-генетычнага цэнтра Genotek Расіі Валерыя Ільінскага слухайце на радыё Sputnik Беларусь.

Стужка навiн
0