Навукоўцы з Эксетэрскага ўніверсітэта ў Паўднёва-Заходняй Англіі прыйшлі да высновы аб тым, што людзі, якія разгадваюць крыжаванкі, хутчэй вырашаюць задачы на ўвагу і лагічнае мысленне, але разумнейшымі ад гэтага не становяцца.
У сваю чаргу, расійскі нейрафізёлаг Аляксандр Каплан прызнаў відавочную карысць ад такога захаплення, аднак парэкамендаваў разгадваць крыжаванкі ў цяжкіх сітуацыях, паралельна займаючыся чымсьці іншым.
"Калі чалавеку даюць проста крыжаванку, то такая трэніроўка ніяк не адбіваецца ні на памяці, ні на ўвазе. А вось калі даць задачу з крыжаванкі, але пры гэтым увесь час адцягваць чалавека іншымі задачамі, тады навык, звязаны з памяццю і ўвагай, прыкметна ўзмацняецца", — сказаў Каплан на радыё Sputnik.
Але нават ва ўмовах шматзадачнасці, каэфіцыент інтэлектуальнасці чалавека пры разгадванні крыжаванак не павялічваецца, адпаведна, і паразумнець немагчыма, адзначыў навуковец.
"Спецыяльныя навыкі, сапраўды, развіваюцца. Вастрыня ўвагі, само рашэнне падобных задач паскараецца з меншай колькасцю памылак, але агульны інтэлект пры гэтым не павялічваецца", — рэзюмаваў нейрафізёлаг.
Каментар доктара біялагічных навук, загадчыка лабараторыі нейрафізіялогіі біялагічнага факультэта МДУ Аляксандра Каплана слухайце на радыё Sputnik Беларусь.
