15:21 19 мая 2019
«Радыё Sputnik»
  • USD2.09
  • EUR2.33
  • 100 RUB3.23
Гурт Shuma
© Sputnik / Виктор Толочко

Руся: Далорэс О'Рыардан задала хвалю ў жаночым року

Радыё
Атрымаць кароткую спасылку
4540

Спявачка і заснавальніца гурта Shuma, удзельніца нацыянальнага адбору на конкурс Еўрабачанне 2018. Руся пракаментавала радыё Sputnik Беларусь паведамленне пра смерць ірландскай спявачкі, былой вакалісткі гурта The Cranberries Далорэс О'Рыардан.

Сумная вестка прыйшла з Лондана. У гасцінічным нумары ўвечары 15 студзеня было знойдзена цела 46-гадовай Далорэс О'Рыардан, былой вакалісткі вядомага ірландскага гурта The Cranberries. Прычыны смерці пакуль не ўстаноўлены. Навіна аб раптоўнай смерці Далорэс О'Рыардан, якая ў сярэдзіне 1990-ых змяніла ўяўленне пра жанчыну ў рок-музыцы, патрэсла музычную грамадскасць па ўсім свеце.

"Я пачула яе песні ў падлеткавым узросце, мяне вельмі кранула яе адначасова рокавая і фальклорная манера. У той самы момант мне захацелася быць спявачкай. Вельмі шкада, што яе не стала. Папулярная субтонная манера спеваў пачалася менавіта з яе. І дзякуючы ёй цяпер жаночыя галасы гучаць у рок-музыцы мякчэй і меладычней", — сказала Руся.

У 2002 годзе The Cranberries запісалі сінгл Time Is Ticking Out, прысвяціўшы гэтую песню Чарнобыльскай трагедыі. Увесь прыбытак ад продажаў гэтага сінгла быў накіравана ў фонд "Дзецям Чарнобыля", які ўзначальвае Элісан Х'юсан, жонка лідара ірландскага гурта U2 Пола "Бона" Х'юсана. Ірландская арганізацыя ўжо больш за 20 гадоў ажыццяўляе дапамогу дзецям Беларусі і Украіны, якія пацярпелі ад аварыі на ЧАЭС.

Як вядома на дадзены момант, Далорэс О'Рыардан прыехала напярэдадні сваёй раптоўнай смерці ў Лондан, для запісу вакальнай партыі ў новай версіі знакамітай песні гурта The Cranberries "Zombie", якая і прынесла групе ў 1995 годзе сусветную вядомасць. Новую версію падрыхтавалі музыканты металічнай групы Bad Wolves.

Каментар спявачкі Русі слухайце ў аўдыёзапісы радыё Sputnik Беларусь.

Тэги:
The Cranberries, Shuma, Руся, Ірландыя, Вялікабрытанія, Лондан, Беларусь

Галоўныя тэмы