Вакцыну мала распрацаваць, яе яшчэ трэба вырабіць, так суразмоўца Sputnik, вірусолаг, доктар медыцынскіх навук, член РАЕН і Нью-Ёркскай акадэміі навук Анатоль Альштэйн пракаментаваў інфармацыю пра тое, што Расія прапанавала СААЗ восем вакцын ад COVID-19. Таксама напярэдадні стала вядома аб тым, што першы ў Расіі прэпарат супраць каронавіруснай інфекцыі "Авіфавір" атрымаў адабрэнне Міністэрства аховы здароўя, паведаміла РІА "Новости".
"З вытворчасцю могуць быць праблемы, вядома, гэта ўсё павольна робіцца, і ў першую чаргу будуць выкарыстоўвацца тыя вакцыны, якія распрацаваны ў краіне", - лічыць акадэмік.
Акрамя таго, не выключана, што паміж кампаніямі-вытворцамі можа быць наладжаны абмен, хоць і даволі абмежаваны, кажа вірусолаг. Пры гэтым, што тычыцца выкарыстання вакцын, то расійскія распрацоўкі будуць выкарыстоўвацца пераважна ў Расіі, лічыць суразмоўца Sputnik.
У розных дзяржавах будуць створаныя розныя вакцыны, яны будуць прымяняцца ў асноўным у сваіх жа краінах, і калі ў канкрэтнай краіне будзе ўсё добра, вакцына будзе "перадавацца туды, дзе гарыць пажар", адзначае спецыяліст, але ў сітуацыі з пандэміяй "аднаго пераможца не будзе", рэзюмуе суразмоўца Sputnik.
