Баль праваслаўнай моладзі адбудзецца ў Мінску напрыканцы студзеня

© Sputnik / Мария АмелинаБаль праваслаўнай моладзі ў Гомелі, архіўнае фота
Баль праваслаўнай моладзі ў Гомелі, архіўнае фота - Sputnik Беларусь
Падпісацца
Па словах арганізатараў, гэты праект дапамагае маладым людзям адкрыць новыя грані ў іх паўсядзённым жыцці.

МІНСК, 3 сту — Sputnik. 28 студзеня ў Мармуровай зале Мінскага дзяржаўнага Палаца дзяцей і моладзі адбудзецца X Мінскі баль праваслаўнай моладзі, паведамляюць арганізатары на старонцы мерапрыемства ў "Фэйсбуку".

Фота з Дзятлава - Sputnik Беларусь
Дзеці з Дзятлава патрапілі на першую старонку Wall Street Journal

Гасцей чакаюць святочныя падарункі да юбілейнай даты: тры аддзяленні пройдуць пад акампанемент Сімфанічнага аркестра горада Маладзечна пад кіраўніцтвам галоўнага дырыжора, заслужанага дзеяча культуры Беларусі Рыгора Сарокі. Традыцыйным упрыгожаннем мерапрыемства стане выступ танцавальнага ансамбля "Мара".

Акрамя таго, падчас балю пройдуць танцавальныя майстар-класы, будзе працаваць музычна-літаратурны салон і фотазоны, а аматары мастацтва змогуць скарыстацца паслугамі мастака.

"Баль праваслаўнай моладзі — місіянерскі праект, які дапамагае маладым людзям адкрыць новыя грані ў іх паўсядзённым жыцці, набыць новых сяброў, спрыяе іх духоўнаму росту. Мерапрыемства стала шматгадовай традыцыяй, сярод вынікаў якой — дзесяткі сямейных пар, мноства сяброўскіх сувязей, у тым ліку і міжнародных", — падкрэсліваюць арганізатары.

Інфармацыя аб раскладзе рэпетыцый, дрэс-кодзе, этыкеце, праграме танцаў, а таксама продажы білетаў і іх кошце для ўдзельнікаў і гасцей публікуецца ў сацыяльных сетках.

Стужка навiн
0