12:58 23 жніўня 2017
«Радыё Sputnik»
Будынак МУС і КДБ Беларусі

Якімі будуць вынікі працы “праз не хачу” у МУС пакуль не ведаюць

© Sputnik Иван Руднев
Грамадства
Атрымаць кароткую спасылку
5 0 0

Хто можа патрапіць пад вызначэнне “дармаед”, дзе павінен плаціць падаткі гастарбайтэр і як прымусіць працаваць гультаёў, абмеркавалі на нарадзе ў МУС.

МІНСК, 5 ліс — Sputnik. Пытанні барацьбы з дармаедамі, а таксама камерсантамі, якія атрымліваюць даходы па шэрых схемах пад выглядам беспрацоўных, абмяркоўвалі на пасяджэнні Грамадскага савета пры МУС.

Кіраўнік МУС Ігар Шуневіч выступіў з ініцыятывай вярнуць у беларускае заканадаўства паняцце "дармаедства" і адміністрацыйную адказнасць за яго. Прэзідэнт на нарадзе па пытаннях занятасці насельніцтва падтрымаў гэтую прапанову. Аляксандр Лукашэнка запатрабаваў да 1 студзеня 2015 года афіцыйна працаўладкаваць усіх (440 тыс.) беспрацоўных.

"Адны наўмысна не афішуюць свой бізнес, аддаючы перавагу працаваць па "шэрых" схемах з ухіленнем ад падаткаў і максімальным прыбыткам. Іншыя проста не жадаюць працаваць, вядуць антысацыяльны лад жыцця, да таго ж нярэдка здзяйсняюць злачынствы. З гэтым трэба змагацца", — заявіў намеснік начальніка ўпраўлення інфармацыі і грамадскіх сувязей МУС Беларусі Віктар Новікаў па выніках пасяджэння Грамадскага савета.

Паводле яго слоў, на пасяджэнні савета было абмеркавана пытанне — хто можа патрапіць пад вызначэнне "дармаед", а значыць і да адміністрацыйнай адказнасці. "Напрыклад, работнікі інтэлектуальнай працы, людзі мастацтва — яны не маюць працоўнай кніжкі", — сказаў прадстаўнік МУС. Таксама было ўзнята пытанне аб тым, колькі павінен заплаціць у казну беларускі гастарбайтэр, які працуе за мяжой, але атрымлівае сацыяльныя выгоды на радзіме. "Аднак галоўнае — як прымусіць гультаёў працаваць і якім будзе вынік працы "праз не хачу", — выказаў  сваё меркаванне Новікаў.

Тэги:
Міністэрства ўнутраных спраў Рэспублікі Беларусь, Беларусь
Правілы карыстанняКаментары

Галоўныя тэмы