У Ватыкане адбываецца сустрэча Папы Рымскага Францыска з ліквідатарамі

© REUTERS / Alessandro BianchiПапа Францыск на плошчыСвятога Пятра ў Ватыкане
Папа Францыск на плошчыСвятога Пятра ў Ватыкане - Sputnik Беларусь
Падпісацца
У складзе дэлегацыі сем беларусаў, якія адразу пасля аварыі прымалі ўдзел у ліквідацыі наступстваў катастрофы.

МІНСК, 20 кра — Sputnik. У Ватыкане адбываецца сустрэча Папы Рымскага Францыска з ліквідатарамі, прымеркаваная да 30-годдзя гадавіны аварыі на Чарнобыльскай АЭС. Сустрэча арганізаваная па ініцыятыве Дортмундскага міжнароднага адукацыйнага цэнтра (ДМАЦ) пры падтрымцы Рымска-каталіцкай царквы.

У складзе дэлегацыі сямёра беларусаў, якія прымалі ўдзел у ліквідацыі наступстваў аварыі на ЧАЭС. У прыватнасці, на аўдыенцыі ў Папы Рымскага знаходзіцца сямейная пара з Добрушскага раёна Адам і Клаўдзія Варанцы, якія ў 1986 годзе займаліся эвакуацыяй дзяцей з забруджаных вёсак, а таксама дэзактывацыяй будынкаў. Дапамагала арганізаваць эвакуацыю і яшчэ адна ўдзельніца дэлегацыі — Соф'я Сініла, якая ў цяпер выкладае ў Мінскім медыцынскім універсітэце.

Папа Рымскі Францыск - Sputnik Беларусь
Ліквідатар з Добрушскага раёна паедзе да Папы Рымскага

Таксама ў складзе дэлегацыі жыхарка Баранавічаў Людміла Кузьміна і двое вайскоўцаў-ліквідатараў з Мінска Уладзімір Грамадскіх і Валерый Скараход.

Яшчэ адзін удзельнік сустрэчы Міхаіл Вобразаў ў 1986 годзе працаваў у Белгідраметэаслужбе, забіраў пробы глебы і паветра. Вынікі гэтых даследаванняў былі пасля адлюстраваны на першай карце радыяцыйнага забруджвання беларускіх тэрыторый. Гэтую карту, а таксама два гліняных званочкі з эмблемай грамадскага фонду, які ўзначальвае Вобразаў, ліквідатар планаваў перадаць кіраўніку Рымска-каталіцкай царквы.

Беларускую дэлегацыю ў Ватыкане суправаджае Мітрапаліт Мінска-Магілёўскі арцыбіскуп Тадэвуш Кандрусевіч.

Стужка навiн
0