МІНСК, 15 кра — Sputnik. Прэзідэнт Беларусі Аляксандр Лукашэнка павіншаваў усіх хрысціян Беларусі са святам Вялікадня, паведамілі ў прэс-службе кіраўніка беларускай дзяржавы.
У гэтым годзе прадстаўнікі ўсіх хрысціянскіх канфесій адзначаюць Вялікдзень у адзін дзень — 16 красавіка.
Па словах кіраўніка дзяржавы, светлае свята Вялікадня напаўняе сэрца шчырай верай у ітворчасць жыцця і дорыць надзею людзям па-за залежнасцю ад іх палітычных перакананняў, этнічных, моўных і іншых адрозненняў.
"Уваскрэсенне Хрыстова заклікае задумацца аб прызначэнні чалавека, яго місіі на зямлі, дапамагае тварыць добрыя справы і быць міласэрным. Хай радасць гэтага дня спадарожнічае кожнаму ў справе духоўнага ўдасканалення, зменьваючы наша жыццё, натхняючы на стваральную працу, набліжаючы нас да высокіх хрысціянскіх ідэалаў", — гаворыцца ў віншаванні прэзідэнта.
Лукашэнка пажадаў беларускім хрысціянам цяпла хатняга ачага, любові і згоды ў сем'ях, поспеху ва ўсіх задумах і пачынаннях, а таксама здароўя, шчасця і дабрабыту.
Беларускі прэзідэнт таксама накіраваў віншаванні са святам Уваскрэсення Хрыстовага Патрыярху Маскоўскаму і ўсяе Русі Кірылу.
"Гэты радасны дзень абуджае самыя светлыя, жаданьні ў сэрцах усіх праваслаўных хрысціян. Ён нагадвае нам пра вечныя каштоўнасці, якія надаюць жыццю праўдзівы сэнс. Сёння традыцыі праваслаўя з'яўляюцца маральным арыенцірам, невычэрпнай крыніцай хрысціянскай любові, дабрыні і стваральных сіл", — гаворыцца ў віншаванні.
