16:57 22 мая 2018
«Радыё Sputnik»
Заняткі ў агульнаадукацыйнай школе

Аплаціць школьныя абеды ў Мінску можна будзе толькі ў безнаяўнай форме

© Sputnik / Алексей Куденко
Грамадства
Атрымаць кароткую спасылку
14 0 0

Плаціць за абеды наяўнымі ў сталічных школах з 1 верасня больш не атрымаецца.

МІНСК, 16 жні — Sputnik. Усе школы сталіцы з 1 верасня будуць прымаць аплату за абеды толькі па безнаяўным разліку — праз АРІП, паведамілі Sputnik у Галоўным упраўленні спажывецкага рынку (ГУСР) Мінгарвыканкама.  

Аб увядзенні безнаяўнай аплаты за школьныя абеды ў Мінску стала вядома на пачатку гэтага тыдня, аднак падрабязнасці новаўвядзення пакуль не абвяшчаліся.

Як даведаўся Sputnik у ГУСР, з 1 верасня бацькі змогуць аплачваць абеды дзяцей у школах выключна па безнаяўнай форме — зрабіць гэта наяўнымі больш будзе нельга.

Як падкрэслілі суразмоўцы агенцтва, заплаціць за абед можна будзе не толькі ў аддзяленні банка, але і анлайн.

Кожнаму вучню прысвояць нумар, па якім і будзе праходзіць аплата. Чыноўнікі тлумачаць новаўвядзенні выгодай для бацькоў, якія цяпер змогуць унесці грошы за абеды дзіцяці ў адзін клік.

Прыблізнае меню для школьнікаў беларускімі ўладамі ўжо ўзгоднена, аднак кошт абедаў застаецца невядомым: яго, як і кошт за падручнікі, вызначае Савет міністраў.

Тэги:
Школа, Мінгарвыканкам, Мінск
Правілы карыстанняКаментары

Галоўныя тэмы